Павел Герчинский – Хъыгагæн, Гуырдзыстоны хицауады архæйдтыты фæстиуæгæн, евроинтеграцийы процесс æрлæууыд æмæ уымæй уæлдай ма Гуырдзыстоны демократийæн тæссаг уавæры ис

Хъыгагæн, Гуырдзыстоны хицауады архæйдтыты фæстиуæгæн, евроинтеграцийы процесс æрлæууыд. Кæд æмæ ацы уавæр нæ фæивдзæн, гæнæн ис æмæ Гуырдзыстон бирæ рæстæгмæ фесафа Евроцæдисы уæнг суæвыны фадат. Уымæй дарддæр ма, Гуырдзыстоны демократи нырма дæр тæссаг уавæры ис – уый фæдыл Гуырдзыстоны Евроцæдисы минæвар Павел Герчински Евроцæдисы боны нысанæн мадзалы, кæцы Евроцæдисы делегацийы инициативæйæ сырæзт.

“Гуырдзыстон æмæ Евроцæдисæн ис рагон истори æнтыстджын партнерады. Ацы æмахастытæ æрхастой бирæ пайда Гуырдзыстоны адæмæн. Акæсут уæ алыварс, фенут, цы сарæзта Евроцæдис уæ хъæуты кæнæ горæтты. Æртыккаг аз фæд-фæдыл мæнæн ис кад Европæйы бон сымахимæ банысан кæнын”.

Евроцæдис 2023-æм азы Гуырдзыстонæн европæйаг бинонтæн дуар байгом кодта, æмæ Евроцæдисы уæнгдзинадмæ кандидат бæстæ ссис. Иумæ банысан кæнæм ацы историон момент.

Абон, хъыгагæн, Гуырдзыстоны хицауады архæйдтыты фæстиуæгæн, евроинтеграцийы процесс æрлæууыд. Кæд æмæ ацы уавæр нæ фæивдзæн, гæнæн ис æмæ Гуырдзыстон бирæ рæстæгмæ фесафа Евроцæдисы уæнг суæвыны фадат. Уыимæ, Гуырдзыстоны демократийæн нырма тæссаг у. Европæйаг бинонты уæнгдзинад у фадат, хæс нæу. Йæ бындур у адæмы æмæ паддзахады суверенон æвзæрст. Адæмы европæйаг æвзæрст бæрæг у. Куыд уынæм афтæмæй, æцæгдзинад уый мидæг ис, æмæ Евроцæдисы уæнгдзинад нысан кæны сабырад æмæ дидинæфтыд, кад кæнын нæ бæстæты истори, культурæ æмæ традицитæн. Уымæ гæсгæ стæм иумæ. Кæд æмæ Гуырдзыстон æрыздæхдзæн демокративон размæцыды фæндагыл, цæттæ стæм иумæ бакусын Гуырдзыстоны Евроцæдисмæ баиу кæнынæн. Сæрыстыр стæм, Гуырдзыстоны хæлæрттæ кæй стæм, уымæй. Абон иумæ бæрæг кæнæм, цы нæ иу кæны, уый, хуыздæр фидæны ныфсæй. Европæйы боны хорзæх уæ уæд! Размæ, Гуырдзыстон, размæ» – райхъусын кодта Павел Герчинский, кæцыйы раныхасы текст Гуырдзыстоны Евроцæдисы делегаци парахат кæны.