Павел Герчинский фембæлд фæсарæн хъуыддæгты министры хæдивæг Гиоргий Зурабишвилиимæ Грантты тыххæй закъонмæ ивæндзинæдты фæдыл

Гуырдзыстоны Евроцæдисы минæвар Павел Герчински фæсарæн хъуыддæгты министры фыццаг хæдивæг Гиоргий Зурабашвилиимæ фембæлд – уый фæдыл Гуырдзыстоны Евроцæдисы делегаци хъусын кæны.

Делегацийы ныхæстæм гæсгæ, фембæлды нысан уыд Евроцæдисы серьезон тыхстдзинæдтæ раргом кæнын, Грантты тыххæй закъонмæ æмæ æнгæс закъондæттæн акттæм æрæджы бавдыст ивæндзинæдты пакеты фæдыл.

«2026 азы 11-æм февралы Евроцæдисы минæвар Гуырдзыстоны, Павел Герчинский æттаг хъуыдтæгты министрадимæ фембæлд æркуырдта, 12-æм февралы минæвары Гуырдзыстоны æттаг хъуыдтæгты министры фыццаг хæдивæг,  Гиоргий Зурабашвили райста.

Фембæлды нысан уыд Евроцæдисы серьезон тыхстдзинад равдисын Грантты тыххæй закъонмæ æмæ æнгæс закъондæттæн акттæм æрæджы бавдыст ивддзинæдты пакеты тыххæй. Ацы хуызы фыццаг бакастæй райсгæ ивæндзинæдты сфидар кæнын Гуырдзыстоны æмбæстагон фæзуатæн æмæ политикон хайадистæн ноджы иу нысаниуæгджын тæссагдзинад æвзæрын кæнид. Минæвар бахахх кодта, цæмæй ахæм мадзæлттæ нæ æмдзу кæнынц Гуырдзыстоны хæстæм Евроцæдис-Гуырдзыстоны ассоциацийы бадзырдмæ гæсгæ æмæ ныхмæлæуд кæнынц уыцы хæслæвæрдтæн, кæцытæ Гуырдзыстон райста куыд Евроцæдисы уæнгдзинады кандидат бæстæ.

Евроцæдисы минæвар банысан кодта, цæмæй сбæлвырд кæныны рæстæджы ивæндзинæдтæ гæнæн ис æмæ комкоммæ æмæ негативонæй фæзыной Гуырдзыстоны кусæг дипломатон мисситæты функционирдзинадыл. куыст, кæцы ныхмæвæрд у Венæйы конвенцийы уагæвæрдтæн æмæ принциптæн дипломатон ахастыты фæдыл.

Гуырдзиаг фарс Евроцæдисы санкциты фарста дæр систа. Евроцæдисы минæвары расидæнмæ гæсгæ, Евроцæдисы уæнг бæстæтæ ацы рæстæгмæ уынаффæ кæнынц Уæрæсейы ныхмæ санкциты 20-æм пакетыл, кæцыйы Еврокамис 6-æм февралы бавдыста.

Фæрстæ бадзырдтой дарддæр кæнын контакт мадзæлтты размæцыды фæдыл» – ис фыст Евроцæдисы делегацийы рапарахатгонд информацийы.