Павел Герчинский – Архайынц Евроцæдисы знæгау равдисын, уый æнæраст у, ныфс дарæм, цæмæй Гуырдзыстоны хицауад фæстæмæ æрыздæхдзæн уыцы принциптæн кад кæнынмæ, кæцытыл лæууы Евроцæдис

30 азæй фылдæр лæууæм Гуырдзыстоны фарсмæ, дих кæнæм уыцы хорздзинæдтæ, кæцытæ æрæмбырд сты, уымæн æмæ мах æууæндæм Гуырдзыстоныл, куыд Гуырдзыстоны цæрджытæ æууæндынц Европæйыл – уый фæдыл Гуырдзыстоны Евроцæдисы минæвар Павел Герчинский Европæйы бонмæ гæсгæ Кутаисы уагъд мадзалы расидтис.

Йæ ныхасмæ гæсгæ, Евроцæдисы ныхмæ аххосæгтæ сты æнæбындур æмæ æнæраст.

«Æхсызгон мын у, цæмæй Тбилис æмæ Батумы фæстæ ам, Кутаисы нысан кæнæм Европæйы бон.Историонæй Кутаис уыд бæстæйы культурон æмæ интеллектуалон центр;æцæг европæйаг идейæты æрмадз.Кутаис уыцы иу рæстæджы у традици æмæ модерндзинады горæт, кæцы хъахъхъæны диссаджы ивгъуыд æмæ тырны ногмæ.

Растдæр уый у Европæ – æнæрлæугæ змæлд рæзтмæ, кæрæдзийы уникалон культурæ æмæ традицитæн кад кæнгæйæ.

Евроцæдисы уæнг бæстæтæн дæр ис рагон истори. Растдæр ацы истори нæ зæрдыл лæууын кæны «цы уыдыстæм æмæ цы стæм» абон: сабырад, экономикон дидинæфтыд æмæ аргъдзинæдты иудзинад. 30 азæй фылдæр лæууыдыстæм Гуырдзыстоны фарсмæ, сымах фарсмæ æмæ уемæ дих кодтам уыцы хорздзинæдтæй, кæцытæ æрæмбырд сты ацы азты дæргъы. Мах афтæ кæнæм, уымæн æмæ мах æууæндæм Гуырдзыстоныл, куыд Гуырдзыстоны цæрджытæ æууæндынц Европæйыл.

Фæлæ ма хъусæм æнæбындур аххосæгтæ дæр, архайынц нæ рагон хæлардзинад фехалыныл, дих кæныныл нæ, Евроцæдисы знæгтæй нæ равдисыныл – уый æнæраст у! Ныр дæр нæ зæрдæ дарæм, цæмæй Гуырдзыстоны хицауад фæстæмæ æрыздæхдзæн уыцы принциптæн кад кæнынмæ, кæцытыл лæууы Евроцæдис. Ныфс ма фесаф. Мах дæр нæ ауæрддзыстæм, уымæн æмæ æнкъарæм гуырдзиаг цæрджыты фарсылхæцындзинад æмæ хæлардзинад. Абон уымæн у ирд дæнцæг.

Абон та ногæй бæрæг кæнæм иумæйаг уæвын, иумæйаг æнтыстытæ æмæ истори. Ныфс нæ ис, мах дæр кæй нысан кæндзыстæм иумæйаг фидæн! Размæ, Гуырдзыстон, размæ», – загъта Герчинский.