Фæнды мæ Евроцæдисы номæй хъæрæй æмæ ирдæй зæгъон, цæмæй уынгты адæмы уынæм, хъусæм сæ хъæлæстæ, тыхмидзинадæй нæ ныццавта, уый бынтондæр æнæрайсгæ у, – расидтис Евроцæдисы минæвар Гуырдзыстоны, Павел Герчинский.

Минæвары ныхасмæ гæсгæ, Евроцæдис лæууы гуырдзиаг адæмы фарсмæ.

«Мах лæууæм Гуырдзыстоны адæмы фарсмæ, кæцыты фæнды хуыздæр фидæн сæ бинонтæн, кæцыты фæнды, цæмæй Гуырдзыстон суа Евроцæдисы уæнг. Ивгъуыд къуыри уыдтæн Брюсселы æмæ ныхас кодтон Евроцæдисы 27 уæнг бæстæйы минæвæрттимæ, фембæлдтæн мæ ног коллегæтимæ дæр, Евроцæдисы институтты ивæндзинæдтæ æрцыд. Евроцæдисы æттаг хъуыдтæгты министртæ 16-æм декабры фембæлдзысты æмæ Гуырдзыстоны фарстайы фæдыл фæуынаффæ кæндзысты. Гуырдзыстоны ногæй ныхас цæудзæн фидæн къуырийы кæрон Евроцæдисы бæстæты сæргълæуджыты æмвæзадыл. Абсолютонæй æнæрайсгæ сты Гуырдзыстоны цæугæ цаутæ, тыхмидзинад æмæ æгъатырдзинады æмвæзад. Адӕмӕн, чи зоны, алыхуызон хъуыдытӕ уа. Уый цыфæнды демократийы хай у, фæлæ тыхмидзинад, æгъатырдзинад бынтон æнæрайсгæ у. Уæдæ, фенæм, иннæ къуыри цы уыдзæн», – загъта минæвар.

Павел Герчинскийы ныхасмæ гæсгæ, фæстаг 12 боны мидæг Тбилисы цы цæуы, уый абсолютонæй нæ æмдзу кæны уыцы привилегион ахастытимæ, кæцы фæстаг дæс азы дæргъы уыд Евроцæдисæн Гуырдзыстонимæ.

«Мæнмæ гæсгæ, Евроцæдисы сæйраг сахарты махæй фылдæр, афтæ дæр Евроцæдисы институтты ахæццæ стæм ахæм этапмæ, цыран хъуамæ архайæм. Евроцæдисы æттаг хъуыдтæгты æмæ æдасдзинады политикæйы уæлдæр минæвар Кая Каллас ныридæгæн расидтис, цæмæй фæстиуæг уыдзæн. Бакæсæм цавæр фæстиуджытыл сразы уыдзысты Евроцæдисы фæсарæн хъуыддæгты министртæ майрæмбоны. Бирæ азты дæргъы Гуырдзыстонæн Евроцæдисимæ привилегион ахастытæ уыд. Бавдыстам Гуырдзыстоны ассоциацийы бадзырд, сæрибар базарад, æнæвизæйон змæлды бадзырд æмæ фæстагмæ Гуырдзыстонæн лæвæрд æрцыд уæнгдзинады кандидаты статус. Цы цæуы фæстаг 12 боны мидæг, уый абсолютонæй æнæмбæлон у æппæт уыдæттимæ æмæ ацы привилегион ахастытæ, кæцытæ фæстаг дæс азы мидæг уыд Евроцæдисæн Гуырдзыстонимæ, домы дзуапп, растдæр афтæ уыдзæн», – расидтис Герчинский.