Ацы азы 23-æм сентябры парти «Гахария Гуырдзыстонæн» Централон æвзарæнон къамисмæ бахатыд æмæ æрдомдта, цæмæй æвзæрстыты фæстæ, бæлвырдгонд æвзарджытæн æвæстиатæй уа гæнæн сæхи бæрæггæнæнтæ сбæрæг кæнын.

Уый фæдыл дзырдæуы партийы фидиуæны.

Сæрмагондæй, «Гахария Гуырдзыстонæн» домы, цæмæй æвзарджытæн уа фадат сбæрæг кæной, фиксиргонд цæуы æви нæ сæ хайадист æвзæрстыты æмæ кæцы участокы фиксиргонд цæуы сæ хъæлæс.

«Ацы куырдиат æххæстæй æмдзу кæны Гуырдзыстоны закъондæттынадимæ, се æхсæн персоналон бæрæггæнæнты регуляцийы закъондæттынадимæ.Уымæн æмæ æркуырд нæу персоналон бæрæггæнæнты раргом кæнын, фæлæ æмбæстагæн йæхи тыххæй информацимæ бацæуæн.Раст афтæ, куыд æвзарæгæн ис фадат йæхи сбæлвырд кæнын æмæ йæ æвзарæнон хай ссарын.

Æвзарджытæн хъуамæ лæвæрд æрцæуа фадат æвзæрстыты фæстæ сæ хъæлæс сбæлвырд кæнынæн, уымæ гæсгæ, æвзæрстытæм цы бонтæ баззад, уый ЦÆК-ы аргументæй райсæн нæй. Аналогион куырдиат 2024-æм азы æвзæрстыты фæстæ парти сарæзта. Фæлæ уæд системæ æцæгæйдæр бамбæхста уыцы бæрæггæнæнтæ æмæ спайда кодта фадатæй рæстдзинад сбæлвырд кæнынæн.

«Гуырдзийаг бæллиц» 2024 азы æвзæрстыты фæстæ ноджы фæкарздæр кодта æвзарæнон уавæр, аивта закъондæттынад æмæ йæ æххæстæй адаптаци кодта йæхи партион интерестæм гæсгæ.

Афтæ дæр, парти «Гахариа Гуырдзыстонæн» бирæ хатт æхсæнадæн лæвæрдта информаци уыцы æлхъывдад æмæ тæрсынгæнæгæй, кæцыйæ «Гуырдзийаг бæллиц» активонæй пайда кæны кандидатты ныхмæ, цæй фæстиуæгæн дæр цалдæр хицæн адæймаг регистрацийы фæстæ сæ кандидатурæ фæстæмæ систой.

Æхсæнад зоны, цæмæй иу æууæнкджын æхсæнадæмон организаци дæр фактонæй нæ бакæсдзæн фидæн æвзæрстытæм», -ис фыст фидиуæны.