Гиоргий Гахариайы парти «Гуырдзыстоны фарс» парламентмæ бацæуын аскъуыддзаг кодта. Уый фæдыл брифингыл партийы политикон советы уæнг Гиоргий Шарашидзе расидтис.
Шарашидзейы ныхасмæ гæсгæ, парламентон трибунæйæ æмæ бынæттон Сакребулойæ спайда кæныныл нæ разы кæнын æрмæст рæдыд нæ фæлæ ма бæстæйы æмæ адæмы ныхмæ фыдракæнд у.
«Афæдзы размæ, 26-æм октябры парламентон æвзæрстыты фæстæ, нæ политикон къорд æмхъæлæсæй рахаста уынаффæ парламенты бойкот кæнын. Хъыгагæн, банымайын хъæуы уый, æмæ политикон протесты ацы формæйæн йæ бон нæ баци хицауиуæггæнæг «Гуырдзиаг Бæллиццы» партийы «фыдбылыз машинæйы» бауромын æмæ Гуырдзыстоны деструктивон уынаффæтæ бауромын — факттæм гæсгæ, хицауад Европæйы интеграцийы æрурæд процесс, антидемократон æмæ адæймаджы бартæ халæг закъæтты райст, автократон режимы фидар кæнын, сабырадон æмбæстæгты ныхмæ тыхми, сæрибар æмæ рæстаг æвзæрстыты давд æмæ бирæнымæц æндæр криминалон, антинационалон æмæ антипаддзахадон архайдтытæ». Парламентон бойкот, кæцы ахызт æнæхъæн политикон процессы бойкотмæ, эффективонæй фесæфта оппозицийы политикон аренæйæ. Уый фæстиуæгæн Бæллицæн фæци фадат тагъд æмæ æнæ ныхмæлæудæй сфидар кæнын авторитаризм, кæцы æппынфæстаг æркодта 4 октябры провокацимæ.
Нæхи йеддæмæ никæй аххосджын кæнæм. Афæдзы размæ махæн нæ бантыст æхсæнад æмæ политикон спектр бауырнын кæнын, цæмæй нæ мандаттæ ныууадзын уыд рæдыд. Уый расайдта цауты рæнхъон реакци, кæцытæ нæ æркодтой нæ абоны æвирхъау уавæрмæ. Фӕлӕ абон мах нӕхи рӕдыдтыты ӕмӕ нӕхи мӕнг хъуыдыты уацары баззайын нӕ фӕнд кӕнӕм.
Цыппæрæм октябры æнæбæрнон æмæ провокацион цаутæ ноджы фæфыддæр кодтой уавæр, фæлæмæгъдæр кодтой ныридæгæн скъуыдтæ оппозици, æмæ радтой Бæллицæн аххос, цæмæй йæ фарсхæцджытæн рараст кæна авторитаризмы ноджы карздæр кæнын. Мах уынæм ног антидемокративон закъæттæ, кæцытæ арæн кæнынц ныхасы сæрибардзинад æмæ дæсгай ахст демонстрантты, се æхсæн журналистты. Уымæ ма бафтыд ахуырады системæйы хъусынгæнинаг «реформæ», фæсивæды европæйаг ахуырад райсыны фадæттæ арæн кæнгæйæ, афтæ дæр антиевропæйаг пропагандæйы интенсификаци æмæ партнер бæстæты минæвæртты ныхмæ комкоммæ æхстытæ.
Цы ми кæны «Гуырдзиаг Бæллиццы» режим Германийы минæвар æмæ йæхæдæг Германы ныхмæ, уымæн ис гæнæн аргъ скæнын æрмæстдæр куыд зианхæссæг нæ бæстæйы националон æмæ паддзахадон интерестæн. Зæгъын хъæуы уый, æмæ политикон процессæй оппозицийы фесæфт адæмы æнæхъахъхъæдæй ныууагъта режимы ныхмæ — алы бон дæр арæзт цæуынц ног политикон ахæсттæ.
Уымæ гæсгæ нæ сæйраг нысан у ныхмæвæрддзинады бахъахъхъæнын æмæ бахъахъхъæныныл тох кæнын. Ацы бæстæйы ис æндæр рæстдзинад, æмæ мах хæсджын стæм æхсæнадмæ йæ фæхæццæ кæнын. Райдайæм æппæт политикон инструменттæ æмæ платформæтæ адæмы лæггадмæ раздахын, уымæн æмæ Гуырдзыстоны минæварон органтæ – бынæттон советтæ æмæ парламент – Гуырдзыстоны бæллицмæ нæ хауынц, фæлæ æрмæстдæр гуырдзиаг адæммæ хауынц. Хъыгагæн, абон, дыууæ радикалон лагеры æндæр æмæ æндæр хъуыдыты æнæфæразгæдзинад бæстæйы кæрæдзийæн знаггад æмæ æнæуынондзинады тæссаг къæсæрмæ куы æркодта, уæд мах хъуамæ æппæт æмвæзадыл дæр æрыздæхæм æмбæлон, рæстæмбис æмæ æнæфæцудгæ политикæмæ. Парламент æмæ бынæттон æмбырдты платформæйæ нæ спайда кæнын — уæлдайдæр та ацы уæззау рæстæджы — у æрмæст рæдыд нæ, фæлæ бæстæ æмæ адæмы ныхмæ фыдракæнд. Гуырдзыстоны парламенты хъуамæ хъуыса Гуырдзыстоны æмбæстæгты хъæлæстæ æмæ æндæр хъуыдытæ. Æрцыд рæстæг, цæмæй мæнгдзинадæн дзуапп раттæм рæстдзинадæй, æнæуынондзинады ныхасæн та зондджын, сабыр æмæ æнæфæцудгæ къахдзæфтæй» -расидтис Гиорги Шарашидзе. Зæрдылдарæнæн, 2-æм сентябры парламент банымадта уыцы депутатты æууæнкдзинады гæххæттытæ, кæцытæ Гиорги Гахариайы æмæ йæ 11 æмкусæджы раивтой: Гела Абуладзе, Джемал Ананидзе, Кетеван Бакрадзе, Русудан Тевзадзе, Малхаз Ториа, Шалва Кереселидзе, Саломе Кобаладзе, Гига Парулава, Вика Пилпани, Гиоргий Шарашидзе, Тамар Хведелиани æмæ Софио Хоргуани.
Парти «Гуырдзыстоны фарс» йæ партион номхыгъд фæстæмæ нæ систа æмæ растдæр ацы бындурыл парламент банымадта ног уæнгты æууæнкдзинады гæххæттытæ. Раздæр, 2-æм июлы, парламент Гиоргий Гахариайы æмæ йæ партийы 11 уæнгы парламентон мандаттæ æрурæдта: Теона Акубардиайы, Анна Бучукурийы, Леван Гогичаишвилийы, Заза Тавадзейы, Бека Лилуашвилийы, Натия Мезвришвилийы, Бердиа Сичъинавайы, Кахабер Кемоклидзейы, Роин Кочорашвилийы, Димитр и Цкитишвили, æмæ Дзидзигури Звиады.
«Гуырдзиаг Бæллиццы» сæ мандатты рагагъоммæйы фæурæды аххосагæй, парламентон рабадтытæм бирæ хатт æнæаххосæй кæй нæ цыдысты, уый банысан кодта.
