Парламентон оппозицийы минæвæрттæ «Фæсарæйнаг æндæвдады æргомдзинады» фæдыл закъонопроекты фæстæмæ асидын домынц
Парламентон оппозицийы минæвæрттæ, Армаз Ахвледиани, Тина Бокучава, Анна Нацвлишвили, Тако Чарквиани, Роман Гоциридзе, Нато Чхеидзе æмæ Тамар Къордзаиа иумæйаг брифинг ауагъдтой.
Оппозиционер депутаттæ парламентон фылдæртæм, «Фæсарæйнаг æндæвдады æргомдзинады» фæдыл закъонопроекты фæстæмæ асидынмæ, æмбæстæгтæм та, закъонопроекты спротест кæнынмæ æрсидтысты.
«Цæттæ стæм, нæ сæрибардзинад уарзаг адæмимæ иумæ, бахъахъхъæнæм Гуырдзыстоны конституци, Гуырдзыстоны европаг æвзæрст æмæ ма раттæм бар Кремлы заказгонд сценарийæ Гуырдзыстоны уавæр сызмæнтын. Курæг стæм, æнæаргъæвгæйæ фæстæмæ ахæссæд уырыссаг закъон æмæ Гуырдзыстоны политикон спектр æрыздæхæт нормалон разæвзарæнон уавæр саразынмæ, фарастпунктджын планы сыххæстмæ æмæ Гуырдзыстоны демократон æвзæрстыты фæндагæй, нормалон, европаг хицаудзинады сфидар кæнынмæ», – райхъусын кодта Армаз Ахвледиани.
Уыимæ, «Лелойы» уæнг Анна Нацвлишвили куыд банысан кодта афтæмæй, абон парламенты цур, нысаниуæгджын у Гуырдзыстоны æмбæтæгты бацыд.
«Ацы бæстæ нæу иу æрмыдзыхъхъ, коррумпиргонд æмæ Уæрæсейыл уæйгонд чиновникты сæрмагонд, ацы бæстæ у уæхи, ацы бæстæ у ацы бæстæйы фидæны фæлтæры сæрмагонд, кæцы æнаххос у æмæ рухс фидæны аккаг у. Уый тыххæй уæ курæг стæм, рацæут абон парламенты цур. Мах ам уыдзыстæм уæ хъæлæс, айзæлын кæндзыстæм гуырдзиаг адæмы фæнд æмæ иттæг нысаниуæгджын у, цæмæй сымах уат Гуырдзыстоны парламенты цур. Уый тыххæй, цæмæй хицауад къæных нæ хъусы уæ хъæлæсмæ, тынг хъæрæй, дырысæй ноджы иу хат йын фехъусын кæнут – Нæй уырыссаг закъонæн, Нæй уырыссаг закъонæн, О Европæйæн», – райхъусын кодта Анна Нацвлишвили.