ОБСЕ-йы цæстдарæн мисси кусын райдыдта 26 октябры парламентон æвзæрстыты фæдыл. Уый фæдыл ОБСЕ-ы цæстдарæн миссийы къухдариуæг Оуэн Мерфи абон расидæн сарызта.
Пресс-конференцийы райдайæны Оуэн Мерфи бузныг расидтис цæстдарæг миссийы рæстæгыл æрхуынды тыххæй æмæ миссийы плангонд куысты фæдыл фæныхас кодта.
«Миссийы сконды ис 12 æхсæнадæмон эксперт. Нæ сæйраг къорд ис Тбилисы æмæ нæм ис рæстæгмæйы офис гом авд къуырийы дæргъы. 17-æм сентябры нæм баиу уыдзæн ноджы 30 дæргъвæтин цæстдарæг æмæ æнæхъæн Гуырдзыстоны 15 территориалон иуæгыл апарахат уыдзысты. Уыдон сæ цæст дардзысты æвзæрстыты процесстæм. Æвзæрстыты агъоммæ Гуырдзыстонмæ ноджы 350 цыбырæмгъуыдон цæстдарæг æрцæудзæн. Уыдон уыдзысты комкоммæ баст æмæ сæ цæст дардзысты хъæлæсæппæрсты процессмæ, æнæхъæн процедурæмæ æнæхъæн бæстæйы масштабæй», – райхъусын кодта Оуэн Мерфи.
Йæ расидæнмæ гæсгæ, æвзæрстытæм дыууæ къуырийы размæ, æхсæнадæмон цæстдарæг мисси рæстæгмæ цæстдарæн хыгъдлæвæрд бавдисдзæн, кæронбæттæн хыгъдлæвæрд та æвзарæнон процессы фæуды фæстæ цалдæр мæйы фæстæ рапарахат уыдзæн.
«Нæ роль у цæстдард æмæ цæстдарды фæстиуджытæ ныммыхуыр уыдзысты нæ хыгъдлæвæрды. Æвзæрстытæм ма дыууæ къуырийы куы баззад, уæд уæвæг уавæры аргълæвæрды фæдыл рæстæгмæ хыгъдлæвæрд рауадздзыстæм. Кæронбæттæн хыгъдлæвæрды публикаци æвзæрстыты фæстæ ахæсдзæн дыууæ-æртæ мæйы бæрц. Хыгъдлæвæрды, æвæццæгæн, уыдзæн цалдæр рекомендацийы, кæцытæ бæрнон фарсытæ æмæ хицæн адæймæгтæ хъуамæ нымайой. Нæ миссийы архайд у æргом. Цалынмæ ам уæм, уæдмæ медийæн гом уыдзыстæм», – райхъусын кодта Оуэн Мерфи.