Гуырдзыстоны парламент æмбырдты æмæ демонстрациты фæдыл административон фæткхалды æмæ уголовон кодексы ивæндзинæдтæ райста. 80 депутаты æртыккаг бакасты рæстæджы закъоны проекты фарс рахæцыдысты.

Ивæндзинæдтæм гæсгæ, æмбырды кæнæ демонстрацийы хайадисæг фыццаг цау йæ цæсгом маскæйæ æмбæрзта, цæссыгкалæн газ æмæ/кæнæ маргджын буаргъæдтæ йæ къухы куы уа, афтæ дæр фæндаг куы æрæхгæна кæнæ рæстæгмæ структурæ куы сараза, уæд æрцæудзæн административон ахст 15 боны онг, кæд æмæ закъонхалæг организатор у, уæд административон ахст 20 боны онг.

Уымæй уæлдай ма, ивæндзинæдтæм гæсгæ, ахæм æмбырды кæнæ демонстрацийы хайадист, кæцы Гуырдзыстоны мидхъуыддæгты министрады куырдиатæй фæуромæн ис, фыццаг инстанцийы 60 боны онг административон ахстмæ æркæндзæн. Афтæ дæр, административон ахст 60 боны онг æмгъуыдмæ æвæрд æрцæудзæн ахæм адæймагæн, кæцы æмбырды рæстæджы хæцæнгарз, пиротехникæ, кæнæ ахæм предмет дары, кæцыйæ пайда кæнынц æндæр адæймæгты цард æмæ æнæниздзинадæн зиан хæссынæн.

Ахæм тобæгонд архайдтытæ фæлхатт кæнын æркæндзæн уголовон бæрндзинадмæ иу азы онг æмгъуыдмæ, æртыккаг æмæ алы фæдылдзог æнæзакъонон архайд та – дыууæ азы æмгъуыдмæ.

Уыимæ ма Уголовон кодексмæ æфтауынц ног статья, кæцыйы фæрцы барадхъахъхъæнæг органты кусæджы æртыккаг хатт чи фæхудинаг кæна, кæнæ йын йæ закъонмæ гæсгæ бардзырд чи нæ сæххæст кæна, ахæм адæймаг æвæрд æрцæудзæн уголовон бæрндзинад.

Фæнысангонд адæймагæн стæрхон кæндзысты ахæстоны фæбадын иу азы онг æмгъуыдмæ, рецидивы цауы та – дыууæ азы онг æмгъуыдмæ. Уымæй уæлдай ма æндæр хуызы æфхæрд дæр нæ æххæстгонд цæудзæн.