Радикалон къордтæн нæй проблемæ Гуырдзыстоны хицауадимæ, проблемæ сын ис Гуырдзыстоны конституциимæ. Уымæ гæсгæ, кæд сæ фæнды исты фæдыл ныхас кæнын, уæд хъуамæ ныхас кæной Конституци æмæ уголовон кодексыл, кæцыйы уыйбæрц хатт фехæлдтой – расидтис Гуырдзыстоны парламенты сæрдар Шалва Папуашвили.

Папуашвилийы ныхасмæ гæсгæ, проблемæ уый мидæг ис, цæмæй политикон диалог домынц конституцийы халджытæ æмæ уголовон фæткхалджытæ.

“Лелойы тыххæй та, уыдонæн махимæ ныхас кæнынæн ницы ис, кæнæ махæн семæ ныхас кæнынæн ницы ис, уадз æмæ ныхас кæной Конституцион тæрхондонимæ. Уадз æмæ сæ уæнгтæй искæцытæ ныхас кæной Уголовон тæрхондонимæ, цыран сæ ныхмæ хъуыддæгтæ ис. Уæдæ, уый у сæйраг проблемæ. Проблемæ уый мидæг нæу, æмæ нæй политикон диалог, фæлæ политикон диалог домынц Конституцийы халджытæ æмæ фыдгæнджытæ Шава” загъта Папуашвили.

Информацийæн, «Лело – Тыхджын Гуырдзыстон» партийы къухдариуæгады советы рабадты фæстæ расидæн рапарахат кодта, кæцыйы мидæг ис фыст, цæмæй «Гуырдзиаг Бæллиццы» æмæ оппозицион партиты æхсæн бæрнон политикон бадзырдтæ райдайын хъæуы, кæцытæ 2024 азы парламентон æвзæрстыты Гуырдзыстоны цæрджыты фылдæры хайы фарсылхæцындзинад райстой. Уымæй дарддæр ма, «Лелойы» ацы фидиуæн оппозицийы хай критикæгонд æрцыд.