«USAID»-ы фæдыл  Гуырдзыстоны  хицауады  разагъд   зылынгæнæнтæ мæнг сты, – уый фæдыл АИШ-ы   паддзахадон   департаменты  пресспикеры  хæдивæг Вдеант  Пател    райхъусын кодта.

«Тбилисы нæ минæварад  уый тыххæй  тынг дырыс  фидиуæн сарызта.   Афтæма  зæгъдзынæн, цæмæ  зылынгæнæнтæ  нæ  æххуысы иуæй-иу проекты  ныхмæ сты мæнг  æмæ  бынтон æнæрастæй  æвдисынц   Гуырдзыстонæн нæ  æххуысы  нысæнттæ. Нæ  æххуыс  кæддæриддæр у   рухсдзыд æмæ  адарддæр кæндзыстæм  гуырдзиаг организацитæн æххуыс кæнын, кæцытæ  кусынц  Гуырдзыстоны  Конституцийæ æмæ  Гуырдзыстоны  æхсæнадæмон хæсистытæй  бæрæг   фундаментон   бартæ бахъахъхъæнынæн», –  райхъусын кодта  Пател.

Уый ма афтæдæр фарсдарын равдыста  Гуырдзыстоны  хæдбарад, суверенитет æмæ территорион æнæхъæндзинадæн.

Уæрæсе оккупацигонд   регионтæ  сты  Гуырдзыстонæй æнæраскъуынгæ  æмæ АИШ  æххæстæй  йæ фарс дары  Гуырдзыстоны хæдбарадæн, суверенитет æмæ территорион æнæхъæндзинадæн  йæ æхсæнадæмонæй нымад арæнты», –  банысан кодта Пател.

Уыимæ ма, АИШ-ы паддзахадон  нымæрдары пресспикеры  хæдивæг  Гуырдзыстоны  хицауадмæ  Евроцæдисы  уæнгдзинады фæдыл  кандидаты статус райсынæн   реформæты сыххæстмæ æрсидтис.

«Мах дарддæр кæндзыстæм  партнерад гуырдзиаг адæмимæ, уымæн æмæ уыдон   тырнынц  демократон, дидинæфтыд, сабырадон æмæ  евроатлантикон   фидæнмæ.   Нæ сидт  Гуырдзытсоны хицауадмæ у ахæм, ома  сыххæст кæнæнт æнæмæнгхъæугæ реформæтæ  Евроцæдисмæ  кандидаты статус  райсынæн  æмæ цæттæ стæм,  баххуыс уæм ацы хъуыддаджы  хицауадæн», – райхъусын кодта  Пател.