Райдайæм 4-æй, фæуæм 4-æй, уый æнæмæнг у, æнæмæнгæй фæуæлахиз уыдзыстæм – уый фæдыл Руставелийы проспекты змæлды лидер Паата Бурчъуладзе расидтис.

Бурчъуладзе куыд банысан кодта афтæмæй, ай митинг нæ уыдзæн, ай уыдзæн æхсæнадон фембæлд, цы ран цалдæр фарстайыл фæныхас уыдзæн æмæ техникон хицауад снысан уыдзæн.

«Иунæг проблемæ, цыма мæйты размæ, уыдис, рацæудзæн æви нæ цас адæм хъæуы, уыйбæрц адæм, æмæ мæнмæ гæсгæ, уыйбæрц адæм нæ рацæудзысты, фæлæ фылдæр.

Уый митинг нæу. Уый у национ æмбырд. Адæмон æмбырды æруынаффæ кæндзыстæм цалдæр фарстайыл. Уый у, фæнды æви нæ, Гуырдзыстоны æмбæстæгты, хицауад нæ къухтæм райсын, конституцийыл бындурæвæрдæй, æмæ нæ бæстæйы хицау уæм. Мæнмæ гæсгæ, ничи дызæрдыг кæны, не ппæт дæр «о» кæй зæгъдзыстæм, ууыл. Куы хъæлæс кæнæм ацы хъуыддагыл, уæдæй фæстæмæ мах стæм ацы бæстæйы хицæуттæ. Уый фæстæ хицауад нæ къухтæм райсдзыстæм. Гуырдзыстоны æмбæстæгтæ ацы бæстæйы контрол хъуамæ райсой.

Мах æнæмæнгæй хъуамæ снысан кæнæм рæстæгмæ, техникон хицауад, кæцы йæхимæ райсдзæн ацы бæстæ æмæ ифтонг уыдзæн профессионалтæй æмæ, сæйраджыдæр, рæстаг адæймæгтæй, уымæн æмæ уый абон ссис стыр раритет. Ног парламентон æвзæрстытæ хъуамæ æрсидт æрцæуа æмæ уыцы политикон парти, кæцы уым фæуæлахиз уыдзæн, уыдзæн хицаугæнæг парти», -расидтис Бурчъуладзе.