OSCE/ODIHR-ы цæстдарæг миссийы къухдариуæг Оуэн Мерфи расидтис, цæмæй Гуырдзыстоны кусы 15 миссийы къорд, уыдонæй алкæцыйæн дæр ис йæхи цæстдарæн зонæ, уыдон фембæлынц æвзарæнон администрацийы минæвæрттимæ, политикон партиты уæнгтимæ, æмæ бынæттон медиимæ.

Йæ ныхасмæ гæсгæ, 27-æм октябры миссийы плангонд у развæлгъау хъусынгæнинаг, кæцы куысты хатдзæгтæ сарæздзæн, æвзарæнон алфамбылай, политикон партиты активондзинадыл, æвзарæнон администрациты куыстыл æмæ ивгъуыд æвзæрстыты фæстæ райсгæ закъондæттæн ивæндзинæдтыл ныхас кæндзæн.

«Нæ цæстдарæг миссийы сæйраг къорд Гуырдзыстонмæ 10-æм сентябры æрцыд. 17-æм сентябры æрбацыдысты дæргъвæтин цæстдарджытæ. 15 къорды кусынц бæстæйы масштабæй. Алкæмæн дæр сæ ис йæхи цæстдарды фæзуат. Фембæлынц æвзарæнон администрацийы минæвæрттимæ, афтæ ма æвзарæн кампанийы архайæг политикон партиты уæнгтимæ, фембæлынц бынæттон медиа. Архайынц, æвзæрстытæ куыд цæттæ сты æмæ æвзарæн уавæр цавæр у, уый сбæрæг кæныныл. 11-æм октябры ныммыхуыр кодтам рæстæгмæ хыгъдлæвæрд, кæцыйы дзурæм цавæр фадгуыты кæсæм, уый тыххæй. Райсомæн плангонд уæлæмхасæн хъусынгæнинаг уыдзæн нæ куысты хатдзæг, кæцы аххæсдзæн нæ цæстдарды æмæ æвзæрстыты боны æнæхъæн периоды. Махæн уыдзæн фадат, æххæстæй æруынаффæ кæнæм æвзарæнон уавæрыл, политикон партиты архайдыл, æвзарæнон администрациты куыстыл æмæ ивгъуыд æвзæрстытæй фæстæмæ райсгæ закондæттæн ивæндзинæдтыл. Райсом уыдзæн гæнæн байхъусын æххæст аргълæвæрд» – райхъусын кодта Оуэн Мерфи.

Йæ ныхасмæ гæсгæ, мисси Гуырдзыстоны бирæ рæстæг кæй ис, уымæ гæсгæ къорды уæнгтæн уыд фадат æрмæст Тбилисы нæ фæлæ æнæхъæн бæстæйы политикон партитимæ фембæлын.

«Мах фембæлдыстæм æппæт партиты минæвæрттимæ, кæцытæ хайад исынц æвзæрстыты, лæвæрдтам иугъуызон фарстытæ сæ æнкъарæнтæ æмæ цæстæнгас æвзарæнон уавæрмæ. Ацы дискусситæй – æмæ знон ноджы иу дискусси уыд парламенты уæнгтимæ – уыдонæн дæр уыд фадат сæ хъуыдытæ раргом кæнын æвзарæнон процесс æмæ кампанийы фæдыл. Æппæт уыдæттыл ныхас кæндзыстæм райсом, зæгъдзыстæм, цы нын загътой фарсытæ, сараздзыстæм аргълæвæрдтæ. Медийæн ис стыр нысаниуæг. Ды ам дæ æмæ кæсыс процесстæм, ныффысс мемæ интервью. Уый тыххæй уын стыр бузныг æмæ нын сом уыдзæн фадат æвзæрстыты рæстæджы медийы ролы фæдыл æрныхас кæнын, афтæ дæр Гуырдзыстоны æвзарæнон периоды медийы куыстмæ нæ цæстдарды фæстиуджыты тыххæй. Нæ доклады ацы фарстайæн нывонд уыдзæн хицæн хай. Мах ма сарæзтам медийы мониторинг æмæ нæм ис къорд, кæцы мониторинг кодта медийы. Мах цæст дарæм, цы дзырдтой æндæр æмæ æндæр каналты, цы фыст цыд веб-фарсыл, афтæ дæр социалон медиты цæст дардтам» – райхъусын кодта Оуэн Мерфи.