ОSСЕ Демокративон институтты æмæ адæймагы барты фарстаты фæдыл офисы (ODIHR) сидынц, цæмæй Гуырдзыстоны хицауады æрдыгæй бынæттон æвзæрстытæм 4 октябры, æвзæрстытæм иу мæйæ къаддæр рæстæг куы баззад, уæд бынæттон æвзæрстытæм цæст дарыны тыххæй æнæфаг рæстæг ныууадзы æууæнкджын æмæ мидисджын цæстдардæн – уый фæдыл ОSСЕ/ODIHR расидæны ис фыст.

«Æргом æмæ æууæнкджын æвзæрстыты цæстдард домы лæмбынæг цæттæдзинад æмæ æвзарæнон процессы сæйраг этаптæм бацæуын, нæ комплексон методикæмæ гæсгæ.Хъыгагæн, Гуырдзыстоны хицауады ахæм фæстиатон этапыл нæ æрбахоныны уынаффæ хъыгдары мидисджын цæстдард æмæ ODIHR-æн йæ бон нæ уыдзæн æвзарæнон цæстдард сæххæст кæнын, уæддæр æнхъæлмæ кæсæм нæ размæ. рагон æмгуыстад гуырдзиаг институттимæ æмæ æмбæстагон æхсæнадимæ демократи æмæ адæймагы барты фæтыхджындæр кæнынæн», -расидтис ODIHR-ы директор Мария Телалиани.

Организацийы фидиуæнмæ гæсгæ, Гуырдзыстоны хицауадимæ бастдзинады рæстæджы, ODIHR бирæ хатт бахахх кодта æвзæрстытæм цæстдарды рæстæгыл сидты нысаниуæг, цæмæй уа æууæнкджын æмæ æппæтдунеон цæстдард. Ивгъуыд рæстæджы ODIHR 2006, 2010, 2014, 2017 æмæ 2021 æзты Гуырдзыстонæй рæстæгыл хуынтæ райста бынæттон æвзæрстытæм, кæцытæ организацийæн фадат лæвæрдтой æвзæрстытæм эффективонæй бацæттæ кæнынæн.

«Куыд ОSСЕ-йы хайадисæг паддзахад, Гуырдзыстон йæхимæ райста демокративон æвзæрстытæ æхсæнадæмон стандарттæм гæсгæ ауадзын. Кæд æмæ ODIHR нæ комментари кæны æвзæрстыты фæдыл, кæцытæм нæ цæст дары, уæддæр офис адарддæр кæндзæн Гуырдзыстоны æрцæугæ цаутæ йæ мандатмæ гæсгæ алы æрдгæй дæр, се æхсæн демокративон хицауиуæгад, фундаменталон сæрибардзинæдтæ æмæ барады уæлдæрдзинад», – дзырдæуы хъусинаджы.

Гуырдзыстоны премьер-министр Ираклий Къобахидзе 6-æм сентябры расидтис, цæмæй хицауад 4 октябры æвзæрстытæм ОSСЕ/ODIHR-мæ хуынды фыстæг арвыста.