Оппозицион  партиты минæвæрттæ   æрцæттæ кодтой иумæйаг  фйидиуæн.

Документмæ гæсгæ, уыдон нæ разы кæнынц  парламентон мандаттæ райсын. Сæ аргълæвæрдæй,  31  октябры  парламентон  æвзæрстытæ ацыд  æвзæрстгæнджытыл тыхмидзинады  уавæрты æмæ  йæ фæстиуджытæ  не вдисынц Гуырдзыстоны  æмбæстæгты  фæнд.

Фидиуæны мидæг дзырдæуы, цæмæй   ацы  уынаффæимæ разы сты  уыцы  партитæ дæр,  кæцытæ  парламентмæ нæ бахаудысты.

«2020 азы  31 октябры  парламентон æвзæрстытæ  ацыдысты  æвзæстргæнджытыл тыхмидзинады æмæ тасæфтаугæйæ,   Пæк-ы æмæ  криминалон  дунейы  координацигонд  уæлæндæвды, масштабон балхæды,  администрацион ресурсæй  пайда кæныны  æмæ æвзæрстгæнджыты фæндыл тыхмидзинадæй  уæлæндæвды  уавæрты.  Уый æппæтмæ ма æфтыд æрцыд  æвзарæнон протоколтæй  манипуляцитæ  æмæ «карусель»,  кæцы  нысаниуæгджынæй  сфыдуынд кодта  æвзæрстыты фæстиуджытæ.  ЦÆК-ы  публикацигонд  кæронбæттæн фæстиуджытæ  нæ равдыстой Гуырдзыстоны æмбæстæгты  фæнд.

Махæн, оппозицион партитæн  иттæг бæрæг у,  цæмæй  нæ  æмбæстæгтæ  Иванишвилийы хицаудзинады  загъдтой  «нæй» æмæ йын нæ раттой  æртыккаг æмгъуыдæй  бæстæйæн  хицаудзинады  мандат.  Уымæ гæсгæ  дæр, ацы парламент  не  вдисы  æвзæрстгæнджыты фæнд.

Уый тыххæй, мах, оппозицион партитæ, æвзæрстытæ кæмæн фæмæнг кодтой  уыдон, нæ разы  кæнæм парламентон  мандаттæ райсын  æмæ  сараздзыстæм алы  политикон æмæ барадон къахдзæф, цæмæй  «дэ юре» æмæ «де факто»  ма бахизæм  парламентæй  цы  хуындæуы, уырдæм.  Мах ацы парламент нæ нымайæм легитимоныл, уымæн æмæ  у  æнæзаконон архæйдты фæстиуæгæн  æвзæрст æмæ  не вдисы адæмы  реалон фæнд.

Ацы уынаффæимæ æххæстæй разы  сты  къухæвæрæг   политикон партитæ, ацы  фæмæнггонд æвзæрстыты фæстиуæгæн,  ЦÆК-ы публикацигонд  бæрæггæнæнтæй,   парламентмæ чи нæ бахауд,  уыцы партитæ  дæр.

Дарддæр кæнæм  тох Иванишвилийы  ныхмæ нæ бæстæйы   хуыздæр демократон  фидæнæн.  Демократон   оппозицийы æркуырд у  ацы æвзæрстыты фæстиуджытæ аивын,  фæлхатгæ  æвзæрстытæ ауадзын  æмæ алы  уыцы   фæтксастытæ системон схафын, ЦÆК-ы  комплект кæныны  уаг  хынцгæйæ,  кæцы  расайдта  ацы  æвзæрстыты системон фальсификаци»,  – дзырдæуы  оппозицийы  фидиуæны.