Оккупацигонд  Цхинвалы  де-факто  хицауад, Женевæйы  дискусситы  боны  фæткъы  ногæй æркæсын куры.  Уый  фæдыл  сепаратистон  режимы  а.х.  президенты   минæвар  Джиоев Мурæт  райхъусын кодта.

Йæ ныхæстæм гæсгæ,   Женевæйы  дискусситы  боны фæткъ бынтон æнæмбæлон  у  фæнысангонд  форматы  раз  уæвæг  рардмæ.

«Уый тыххæй  мах  банхъардтам   раунды размæ  боны  фæткъ  æркæсын.  Сæрмагондæй  та,  мах   бирæ  хатт  рацыдыстæм инициатвæйæ,  дискусситы боны  фæткы   æртыккаг   пунктæй  сисæм   фраза «Æдасдзинады æхсæнадæмон мадзæлттæ»- райхъусын кодта  уый.

Джиоевы  æмбарынгæнæнтæм гæсгæ,   боны  фæткъы  номхуынд у – «Тыхæй æнæспайда æмæ  æдадсзинады  æхсæнадæмон  мадзæлттæ».

«Тыхæй æнæспайда у иттæг актуалон  фарста æмæ Женевæйы  дискусситы  сæйраг рард, цыдæриддæр та  иннæ  хаймæ æххæссы –  «Æдасдзинады æхсæнадæмон фæткæвæрд», мах æмæ нæ  контрапртнертæ  сæ   ныгуылæйнаг армдарджытимæ  иумæ,  æнæр æмæ æндæргъуызон æмбарæм.  Уымæ гæсгæ,  хъуыды кæнын   цæмæй фæнысангонд  формулировкæ   æнæмæнгхъæугæ нæу» –  банысан кодта Джиоев.

Оккупацигонд  Цхинвалы  де-факто  президенты   минæвары фидиунææй   а.х.  Хуссар  Ирыстонæн  æдасдзинады æхсæнадæмон мадзæлттæ  кæнæ гаранти, уырыссаг  æфсæддæтты  æмæ   арæнхъахъхъæнджыты  уæвынад у.

«Гуырдзыстонæн  æдасдзинады  ахæм  æхсæнадæмон гарантитæ  сты  æндæр  тыхтæ,   уый тыххæй  дæр  рацыдыстæм  инициатвæйæ,   сыхалæм ацы  пункт дискусситы боны фæткæй» – загъта Джиоев.

А.х.  Хуссар Ирыстоны   делегаци  афтæдæр домы боны фæткъмæ  æвæндаг æрбайсæфтуæвджыты  бацагуырды  фарста бахæссой.