Гуырдзыстоны нефты æмæ газы сгарæн æмæ рауадзыны сектормæ бацыд ног æхсæнадæмон инвестор Aspect Georgia LLC» – уый фæдыл 70 милуан АИШ доллар бахардз кæндзæн сгарæн æмæ рауагъды куыстыты планкæнынад æмæ реализацийы – уый фæдыл информаци Гуырдзыстоны экономикæйы æмæ æнæфæцудгæ рæзынады министрады хъусын кæнынц.

Сæ ныхæстæм гæсгæ, компани баиу ис инвесторты къордмæ, кæцытæ æххæст кæнынц лицензийы нысангонд куыстытæ Скæсæн Гуырдзыстоны XIQ лицензион зонæйы.

Aspect Georgia LLC   æртæ  компани – «Джорджиа Ойл энд Газ Лимитед», АО «Гуырдзыстоны нефт æмæ газы корпораци» æмæ «GOG SLADS Limited»-ы иумæйаг проекты хай лæвæрд æрцæудзæн. Банысангонд подрядон организациты æхсæн XIQ лицензион фæзуатæн «Производствæйы дих кæныны бадзырд» бафыст æрцыд 2021 азы 23 декабры, нефты æмæ газы паддзахадон агентады уагъд гом æхсæнадæмон тендеры фæстиуæгæн.

Бадзырдмæ ивæндзинад бафыстой Гуырдзыстоны экономикæ æмæ æнæфæцудгæ рæзынады министрады паддзахадон нефты æмæ газы агентад, ныры подрядон компанитæ – «Джорджия Ойл энд Газ Лимитед» (GOGL), акционерон æхсæнад «Гуырдзыстоны нефт æмæ газы корпораци», GOG SLADS Limited æмæ ног инвестор Aspect Georgia LLC. Бафыссыны церемонийы хайад иста экономикæйы æмæ æнæфæцудгæ рæзынады министры хæдивæг, Пхаладзе Инга.

Aspect Georgia LLC регистрацигонд у АИШ-ы штат Колорадойы æмæ у америкаг нефты сгарæн къорды филиал – Aspect Holding LLC. ООО «Аспект Холдинг»-æн ис бирæ азты æнтыстджын фæлтæрддзинад нефты æмæ æрдзон газы сгарæн æмæ рауагъды архайды, уыцы нымæцы вазыгджын геологион структурæтимæ æвæрæнты. Компани кусы АИШ-ы, Централон Европæйы, Латинаг Америкæйы æмæ Æввахс Скæсæны.