Гуырдзыстоны европон перспективæтæ иттæг нысаниуæгджын сты Сомихыстоны европон тырнындзинадæн – уый фæдыл Сомихы премьер-министр Никол Пашинян Парижы 8-æм сабырадон форумы фæлгæтты уагъд «Лидерады æхсæнвæндаджы» дискуссийы рæстæджы расидтис.

Сомихыстоны хицауады сæргълæууæг дзуапп радта фарстæн, гæнæн ис æви нæ Азербайджанимæ бадзырд дыууæ бæстæйы европæйаг интеграцийы фыццаг къахдзæф суа.

«Уый цасдæрбæрцæй баст у регионы æндæр бæстæйы – Гуырдзыстоны европæйаг перспективæтимæ. Мæ бон нæу Азербайджаны номæй дзурын æмæ уый раст нæ уыдзæн, фæлæ сымах зонут, цæмæй мах райстам закон Сомихыстоны Евроцæдисмæ баиу кæныны фæдыл. Уый у нæ бæллицты, нæ амбициты ирд бæлвырдгæнæн. Евроцæдисы уæнгдзинадмæ кандидат бæстæйы статус мæ бон бæлвырдæй зæгъын нæу, уымæн æмæ уый дæр географийы фарста у, фæлæ Сомихыстоны цауы, мæнмæ гæсгæ, Гуырдзыстоны европон перспективæтæ тынг нысаниуæгджын сты», – банысан кодта Никол Пашинян.