«Националон Змæлды» сæрдар Ника Мелиайы  хъуыддагыл  тæрхоны процесс  Тбилисы горæты  тæрхондоны абон 16:00  сахатыл ацæудзæн.

Хъуыддагы кæсдзæн  тæрхонгæнæг Нино Чахнашвили.

Генералон прокуратурæ Ника Мелиайы хъуыддагыл, горæты  тæрхондонмæ знон бахаста хъаст.

Прокуратурæ тæрхондонмæ бахъаст кодта,  знон «Националон Змæлды» смæрдар Ника Мелиайæн,  депутатон  иммунитет  æруромыны куырдиатимæ  парламент куы сразы ис уый фæстæ.

Къордон тыхмидзинадæн разамынды æмæ уым хайад райсыны  тыххæй  «тугтæрхоны барадмæ гæсгæ дзуаппæ лæвæрд  Ника Мелиайæн  Тбилисы  горæты  тæрхондон  2019 азы  27 июны  æфхæрды хуызæй  стæрхон кодта  30 000  ларийы бæрц ивар бафидын  æмæ ма  уæлæмхасæй  арæнгæнæг  мадзæлттæ, сæ нымæцы  бафтыдтой йыл  электронон мониторинггæнæг  цонгдарæн.

Фæлæ 2020 азы фыццаг ноябры, æхсæнадон æмбырды   ран, æхсæнадон  фидиуæнтæ аразыны рæстæджы Ника Мелиа  электронон мониторингæ хъæугæ  цонгдарæн рафтда.

Уый фæстæ  проукратурæ æфсхæрды мадзал  фæкарз кæнын  æркуырдта.  Тæрхондоны 2020 азы  3 ноябры  уынаффæйæ,  Ника Мелиайæн  æфхæрды мадзалæй  тæрхонгонд  цъындыйы  суммæ  40 000 ларийæ сырæзт. Бафидынæн  Мелиайæн раттой  50  бонон  æмгъуыд.

Цъындыйы  аууæлтты  нæсыххæсты  фæстиуджыты фæдыл, рагфæдзæхсты нысанæн  Ника Мелиамæ 2021 азы  5 февралы  фæсидтысты  генералон прокуратурæмæ, фæлæ  уый  нæ бацыдис.

Уыцы  бон прокуратурæ  Ника Мелиайæн  цъындыйы  домæнтæ сыххæст кæнынæн, уæлæмхасæй  иу къуырион æмгъуыд ратта. Уагдоны хъусинагæй   нæбафысты  цауы, прокуратурæ  тæрхондонмæ йæ  æрцахсыны  тыххæй  куырдиат  бавдисдзæн.  Мелиайæн, цъындыйы  баззайгæ  суммæ бафидынæн æмгъуыд  аивгъуыдис 12 февралы.Генералон   прокуратурæ Ника Мелиайæн  æфхæрды  мадзалæй  ахсты  снысан кæныны  фæдыл   парламентмæ  раст уыцы  бон баздæхтис.  «Иугонд Националон Змæлды»  сæрдар Ника Мелиа  банысан кодта, цæмæй  цъынды  бафидын нæ  хъавы.