«Националон Змæлды» иуæй-иу лидер  Ника Мелиа  акцийы хайадисджытæм æрсидтис, цæмæй  сабаты 15:00  сахатыл, парламенты бæстыхайы  цур  фæстæмæ   æрымбырд уой.

Ника Мелиа  парламенты цур цæугæ акцийыл дзырдæй ралæуды рæстæджы  куыд райхъусын кодта афтæмæй,    хицауадмæ ма æрмæст тыхмидзинады  хъомад баззад. Афтæма  йæ  ныхæстæм  гæсгæ,  тыхмидзинадæй   куы ничи тæрсы, уый сбæлвырд кодтой  акцийы  хайадисджытæ.

Ника Мелиайы дзырдæй, тох  нæ  фæсындæг уыдзæн  нæ фæлæудзæн  æмæ дарддæр кæндзæн.

«Бирæ  протетсон акци цæуы  æндæр æмæ æндæр рæтты  æрвылбойнонæй, фæлæ   мæнмæ гæсгæ,   коллегæтимæ иумæ,   ома Руставелийы  проспектыл  мах  ноджы иу  хатт  хъуамæ æрымбырд уæм  стыр бæрцæй. Къобахидзе-Иванишвили   дзурынц  авд мин дам стут æмæ мах  та  стæм   ам æппæт  бæстæйæ. Уый тыххæй æнхъæлын, цæмæй  ацы  проспект  сабаты хъуамæ байдзаг уа, 15:00 сахатыл  æмæ   байдзаг уыдзæн æнæмæнгæй.  Уымæй  импульс уыдзæн   нæ  тохæн дæр.  Фæлæ   сабаты онг алчи  тох кæндзыстæм  алы  къуымæй. Быхсгæйæ хъуамæ уæм, мах стæм историйы   раст æрдгæй.  Ам лæуут сымах  æмæ  ма бирæтæ æрлæудзысты ноджы, фæлæ ма  хъуамæ  раттæм  фадат макæмæн, цæмй  ацы  равг  исты арæнæвæрдæй,  цыфæнды  æлхъывдæй  банцайын кæной.  Истори  фыстæуы  ам,  ам арызт цæуы   ног Гуырдзыстон, мах стæм  уый æппæт  сфæлдисæг,  хуымæтæг  процессты  хайадисджытæ не стæм» – райхъусын кодта Ника Мелиа.