Мах иумæ аразæм иудзинад уæлахизы тыххæй – уый фæдыл оппозицион партиты фембæлды фæстæ журналисттæн Ахалийы партийы лидер Ника Гварамиа расидтис.

Гварамиайы ныхасмæ гæсгæ, оппозици иумæйаг здæхт, иумæйаг архæйдтытыл сразы вæййы æмæ йæхи политикон идентондзинад нæ ныууадзы.

«Мах разы стæм иумæйаг здæхтыл, иумæйаг архæйдтытыл.Мах нæ ныууадзæм нæ политикон æууæлтæ, нæ аразæм цавæрдæр иумæйаг номхыгъд, нæ ныхас кæнæм ныртæккæ æмæ нæ зонæм, ныхас кæндзыстæм æви нæ уый фæдыл фидæны, фæлæ аразæм иумæйаг архайды иудзинад», – расидтис Ника Гварамиа.

Уымæй дарддæр ма, фембæлды хайадисæг оппозицион партитæ дæр иумæйаг расидæн сарæзтой.

«Абон Гуырдзыстоны демокративон оппозицион партиты альянс сразы ис иумæйаг стратегийыл æмæ архайды иумæйаг уагæвæрдыл æмæ расидтæм, цæмæй нæ иумæйаг тыхархайдæй ссæрибар кæндзыстæм Гуырдзыстоны Бидзина Иванишвилийы автократон режимæй, сног кæндзыстæм бæстæйы евроатлантикон курс æмæ сифтонг кæндзыстæм демокративон хицауиуæгад, бæстæйы æдасдзинад æмæ Гуырдзыстоны адæмы хæрзиуæг.

Нæ бадзырд бындуриуæг кæны ахæм уагæвæрдтыл:

Иудзинад æнæ иугъуызондзинадæй: Альянсы бындурæвæрæг партитæ хъахъхъæнынц сæ идеологион æууæлтæ, фæлæ сразы сты иугонд протестон архайд æмæ коммуникацион стратегийыл. Нæ хæс у равдисын куыд гуырдзиаг адæмæн бæстæйы мидæг, афтæ дæр Гуырдзыстоны æмцæдисонтæн бæстæйы æддейæ, цæмæй Иванишвилийы олигархион æмæ автократон режимæн демокративон альтернативæ æвдисæм.

Демокративон альтернативæ: Партитæ разы сты, цæмæй автократон Æрмæстдæр демократон альтернативæ, кæцы æмбæстæгты интерестæм здæхт у, режимыл фæуæлахиз уыдзæн. Нысаниуæгджыныл нымайæм, цæмæй альянсы уынаффæйы процесс бындуриуæг кæна хайадисджыты æмхуызондзинады принципыл æмæ æддагон æндæвдадæй сæрибар фæндоны равдыстыл.

Политикон æмæ æхсæнадон консенсус: Нæ нысан у уæрæх политикон æмæ æхсæнадон консенсус райсын уæрæх æхсæнадон бастдзинады фæрцы, цæмæй сæрибар æмæ рæстадон æвзæрстыты руаджы Иванишвилийы режим фæуæлахиз уæм æмæ демокративон коалицион хицауад саразæм, кæцы æнæмæнгхъæугæ реформæтæ сыххæст кæндзæн.

Бадзырды архайæг фарсытæ сразы вæййынц ахæм уагахасты кодексыл, кæцы регуляци кæны къухфыст субъектты ‘хсæн ахастыты уагæвæрдтæ æмæ бæрæг кæны сæ хæлды тыххæй бæрндзинад.

Оппозицион альянс кæронмæ тох кæндзæн – политикон ахæстты ссæрибар кæныны æмæ сæрибар, рæстадон æвзæрстыты фæуæлахизы онг», -ис фыст фидиуæны.