АИШ-ы  æмæ Евроцæдисы  бæрзонд гæстæ  Уæрæсеимæ  сабырадон  бадзырдты  тыххæй  Украинаимæ  фарста  кæсын райдыдтой.

Уый фæдыл  «NBC News» америкаг  архайæг  æмæ раздæры бæрзонд гæстыл   æнцойæ  хъусын кæны.

Телекомпанийы хъусинагæй  дзырдæуы ууыл, ома  бадзырдмæ æрцæуынæн, цæуыл ис гæнæн Украина зæгъа  нæйы. Иуæй-иу ахæм  «деликатон»  каст ивгъуыд мæйы  «Рамштайны» форматы уагъд контактон   корды фембæлдыл  уыд.

Анонимон  равзæрæны дзырдæй, ацы дискусситæ райдыдтой америкаг æмæ европаг бæрзонд гæсты сагъæсты фоныл, ома  хæст   къуыммæ  бацыд  æмæ лискусситæ  æвдисынц фронтыл  уæвæг уавæр, политикон   ситуаци  Европæ æмæ АИШ-ы.  Уыимæ равзæрæны хъусинагæй, АИШ-ы хицауады  мæсты  сты, цас къаддæр хъусдард  здахы йæхимæ хæст Украинайы,  Израилы æмæ «Хамасы» æхсæн  конфликт куы райдыдта,  уый фæстæ.  Америкаг бæрзонд гæстæ сагъæс кæнынц, цæмæй ахæм ивд гæнæн ис  фæзын кæна  Украинайæн   уæлæмхас æххуысы райст.  Уыдон хъуыды кæнынц, цæмæй  Украинайæн  гæнæн ис афæдзы кæронмæ  кæнæ цъус  фылдæр рæстæг ис, цалынмæ райдайдзæн  сабырадон  бадзырдты æнæаргъæвгæ дискусситæ.

Уыимæ, анонимон  равзæрæнтæ куыд  банысан кодтой афтæмæй,   Байдены  администрацимæ ницы  миниуджытæ ис, ома Уæрæсейы президент  Владимир Путин  Украинаимæ бадзырдтæм цæттæ у.  Сæ дзырдæй, путин нырма нымайы, цæмæй  йæ бон бауыдзæн, банхъæлмæ кæсын  ныгуылæнмæ æмæ уæдмæ хæцдзæн, цалынмæ АИШ æмæ йæ æмцæдисонтæ нæ  фесафдзысты  мидфарсхæцын  Украинайæн финансон æххуысы кæнæ, цалынмæ  æгæр зынаргъ не сбаддзæн  тох Киевæн хæцæнгарз æмæ хæстæрмæг  бадæттын.