Цæгат-атлантикон  альянс æмæ  Уæрæсейы  æхсæн абон   ацæудзæн бадзырдтæ.   НАТО-ы  æмæ Уæрæсейы  дипломаттæ   кæрæдзиимæ  фæстаг 18 мæйы дæргъы   фыццаг хатт фембæлдзысты.

Бадзырдтыл Уæрæсейы   делегацийæн  къухдариуæг кæндзæн бæстæйы фæсарæн хъуыддæгты министры хæдивæг  Александр Грушко, кæцы  фембæлдыл  Уæрæсейы   æмæ НАТО-йы  ахастыты  «скуыддзаггæнæг моментæй» схуыдта.

Уæрæсейы  хицауад  домы  гарантитæ, ома  Украина æмæ Гуырдзыстон никуы суыдзысты  НАТО-ы уæнгтæ  æмæ альянс, 2008 азы  Бухаресты саммиты  уынаффæ  аивдзæн.  Брюсселы та дзурынц, цæмæй  альянсы  гом дуары политикеæйы вето сæвæрыны  бар иунæг бæстæйæн дæр нæй æмæ  НАТО-ы ауæрæх, æрмæст суверенон  бæстæты æмæ  альянсы  уæнгты аскуыддзагкæнинаг у.  Александр Грушкойы  фидиуæнæй,   Мæскуы, зæгъгæ НАТО-йæ  æппæтылæххæссæг дзуапп  æрдомдзæн.