Центрон æвзарæн къамисы расидæнмæ гæсгæ, æвзæрстытæм æрцæугæ æвзарджыты нымæцы фæдыл мæнг информаци райста агитацион хуыз.

ЦÆК-ы пресс-спикер Натиа Иоселиани куыд расидтис афтæмæй, информациимæ манипуляци цæуы æмæ уавæр афтæ æвдыст цæуы, цыма номхыгъды уæвæг адæймæгтæй фылдæр адæймаг иста хайад æвзæрстыты.

Иоселианийы ныхасмæ гæсгæ, парахатгонд информаци раст нæу.

«Абоны райсомæй фæстæмæ цымыдисгæнæг фарсытæ парахат кæнынц мæнг информаци æвзæрстытæм æрцæугæ æвзарджыты нымæцы фæдыл, кæцы ныридæгæн райста агитацион характер. Националон статистикæйы куысты бæрæггæнæнтæ æмæ æвзæрстытæм æрцæугæ æвзарджыты нымæц абаргæйæ, информацийы манипуляци цæуы æмæ уавæр афтæ æвдыст цæуы, цыма номхыгъды уæвæг адæймæгтæй фылдæр адæймаг иста хайад æвзæрстыты. Мах фидарæй хъусын кæнæм, цæмæй парахатгонд информаци у мæнг. Цымыдисгæнджыты публикацигонд нымæцтæ иугонд æвзарæнон номхыгъды реалон бæрæггæнæнтимæ нæ æмдзу кæнынц. Бæрæг у, æппæт уыдæттæ барæй кæй цæуынц. Æцæгæй та, æвзæрстыты процесс афтæ æргом уыд, æмæ цымыдисгæнæг фарсытæ æнæреалон факттæй хъавынц процесс дискредитаци кæнын. Æвзарæгты иугонд номхыгъд, уыцы нымæцы районтæм гæсгæ, ныр у æргом æмæ æвзæрстыты размæ уыд æппæт баст партитæн æргом. Æвзарæнон азы дæргъы, æвзарæнон администрацийæ æндæр æмæ æндæр рæстæджы политикон партитæ æмæ æнæхицауадон организацитæ æвзарæнон иугонд номхыгъд æрдомдтой, кæцы бæлвырд кæны, цæмæй æвзарæнон номхыгъды уæвынад закъондæттынад æмæ дунеон стандарттæм гæсгæ уыд. Æвзарæнон субъекттæ æмæ цæстдарæг организацитæ разамынд лæвæрдтой æвзарджыты иугонд номхыгъды бæрæггæнæнтæй, кæцытимæ цыдысты æвзæрстытæ. Дарддæр кæндзыстæм æхсæнадæн раст информаци дæттын æмæ нæ бауадздзыстæм цымыдисгæнæг фарсытæн æвзарджыты рæдийын кæнын», -расидтис Натиа Иоселиани.