«Иугонд националон Змæлд» рахаста уынаффæ æмæ ракци нал райсдзæн хайад парламентон куысты, кæцы йæ хъуыдыйы дары, ома нал дæр пленарон рабадты, нал дæр комитетты хъусынмæ бацæуын æмæ хайад райсын нал хъавæм, цыфæнды парламентон форматы – уый фæдыл «Националон Змæлды» уæнг Леван Бежашвили парламенты лæвæрд брифингыл райхъусын кодта.
Леван Бежашвили куыд банысан кодта афтæмæй, фракци æмæ парти адарддæр кæндзысты консультацитæ мандаттæ ныууадзыны фæдыл.
Йе мбарынгæнæнмæ гæсгæйæ, тæрхондоны уынафæ Михеил Саакашвилийы ахсты ныууадзыны фæдыл, бæлвырд æвдисы цæмæй тæрхондон фестад политикон маст исыны инструментæй.
«Фракци æмæ парти адарддæр кæндзæн консультацитæ протесты ноджы уæззау дæр формæты фæдыл, дзырдæуы мандаттæ ныууадзыныл. Консультацитæ нын уыдзæн нæ европаг партнертимæ парламентон æмæ æддæ оппозицион партиты минæвæрттимæ. Цæй зæгъын æй хъæуы политикон уавæрмæ гæсгæйæ, нæ фракцийæ рахастам уынаффæ, ацы æрдгæй протесты ноджы карздæр формæтæй архайыны фæдыл.
Ныр афон у смæсты уæм, афон у протест кæнæм, афон у тохмæ рахизæм. Сидын алкæмæ, абон 17:00 сахатыл, хицауады канцелярийы цур æрымбырд уæм æмæ хицауадæн равдисæм нæ тых» – райхъусын кодта Бежашвили.