Гуырдзиаг æмæ фæсарæйнаг  архивон фильмты  рагон   хуызæгты  гуырдзиаг  кæсджытæ  Тбилисы архивон   фильмты æхсæнадæмон   кинофестивалыл фендзысты.  Гуырдзыстоны æмæ  дунейы  12  бæстæйы  80 документон, аивадон,  анимацион фильм æмæ  кинохроникæ  Гуырдзыстоны юстицийы министрады   националон  архивы  кинозалы 5-8 октябры  равдисдзысты.

Кинофестивалмæ æвзæрст фильмтæ  1895-1960-æм азты  æфсымæртæ  Люмьерты ист, æфсымæртæ  Скландановскиты, Ян Криженецкийы, Васил  Амашукелийы, Жорж Мельесы, Аурелио  Паз Дор Рейесы, Хоррджа Палуйы, Октавиан  Милетичы, Вим Вендерсы æмææндæрты  ист сты.

Гуырдзыстоны националон архив  Тбилисы архивон  фильмты  æхсæнадæмон   фестиваль фыццаг хатт уадзы  æмæ кинофестивалы  ацы азы  темæ, махы онг  цы æрхæццæ ис  уыцы  сегасдæр рагон  кинодокументтæ сты, уый тыххæй, уым хайадисæг  бæстæты –  Германийы, Италийы, АИШ-ы, Испанийы, Мальтæйы, Стыр Британийы, Нидерландты, Португалийы, Чехы, Хорватийы, Молдовæйы æмæ Францы – киноархивтæ, кинотекæтæ æмæ  киномузейтæ  сæ фондты æвæрд  рагон   фильмты  программæтæ бавдисдзысты.