Одессæйы   раздæры  губернатор  æмæ  Гуырдзыстоны   экс-президент  Михеил Саакашвили, Евроцæдисы   территорийыл   цæрыны æмæ  кусыны бар райста – уый тыххæй Саакашвили,  фыссы  социалон хызаг «Фейсбукы».

Михаил Саакашвили куыд   хъусын кæны афтæмæй,    Нидерландты йæм раттой удгоймаджы  бæлвырдгæнæн æвдисæндар. Фæлæ йæ ныхæстæм гæсгæ,   уый Украинæйы æмбæстагдзинад æрыздахын уæддæр  плоан кæны.

Абон Амстердамы, фыццаг   хатт,  ацы фæстаг периоды дæргъы,   мын ис  гоймаджы  æвдисæндар æцæг документ.  Нидерландтæм куы æрцыдтæн афтæ æмæ уайтагъдаддæр  раттой гоймаджы æыдисæндар  кæцы мын евроцæдисы цæрыны  æмæ кусыны бар дæтты.  Æнæхъæн процедурæйæн бахъуыд    цалдæр минуты.  Фæлæ  æз  афтæ куыд раздæр никуы, мæ ныфс  æнæцудгæйæ дарын æрыздахон мæхимæ Украинæйы  æмбæстагдзинад» –   фыссы Михеил Саакашвили.

Михеил Саакашвили  Амстердаммæ ныццыд Варшавæйæ. Польшæмæ йæ 12 февралы  феддæдуар кодта Украинæйы   паддзахадон арæйнон куыст.