Гуырдзыстоны президенты галуаны резидент æмæ æнæрезидент минæвæртты æууæнкдзинады гæххæттытæ раттыны церемони уагъд æрцыд. Уый тыххæй хъусын кæны президенты администраци.

Администрацийы информацимæ гæсгæ, Гуырдзыстоны президент, Михаил Хъавелашвилийæн 16 бæстæйы резидент æмæ æнæрезидент минæвары æууæнкдзинады гæххæттытæ лæвæрд æрцыдысты: Израиль, Франц, Венгри, Ирланди, Австрали, Монтенегро, Хуссар Африкæ, Чили, ХЪиргъиз, Конго, Португали, Ног Зеланди, Беларусь, Араббаг Республикæ Египет, афтæ дæр Паддзахад Оманы æмæ Иорданийы Хашимитон Паддзахады.

«Æууæнчы гæххæттытæ раттыны официалон церемонийы фæстæ, Михаил Хъавелашвили минæвæрттæн фидæны архайдтыты æнтыстытæ раарфæ кодта.

Мадзалы хайад райстой президенты администрацийы сæргълæууæг Кетеван Квиникадзе æмæ æттаг хъуыдтæгты министры хæдивæг Гиоргий Зурабашвили», – фыссынц президенты администрацийы.