Гуырдзыстоны президент, Михеил Хъавелашвили рæстдинон дины æхсæнпарламентон ассамблейы делегациимæ фембæлд сарæзта. Уый фæдыл информаци президенты администраци парахат кæны.
Президенты администрацийы информацимæ гæсгæ, Михеил Хъавелашвили ноджы иу хатт бузныг расидтис делегацийы уæнгтæн Гуырдзыстоны суверенитет æмæ территорион æнæхъæндзинадæн фидар фарсылхæцындзинады тыххæй.
«Фембæлды, кæцыйы хайад райстой Грецийы, Румынийы, Кипры, Цæгат Македонийы æмæ Египеты минæвæрттæ, æруынаффæ кодтой ассамблейы фæстаг рæстæджы архайд æмæ плангонд фидæны архайды тыххæй. Уымæй уæлдай ма бахахх кодтой ассамблейы архайды нысаниуæг æмæ банысан кодтой, цæмæй уый здæхт у чырыстон аргъдзинæдтæ хъахъхъæнынмæ, социалон демократон æмæ æххуыс кæнынмæ æмæ дунеон экономикон процессты ныхмæ социалон кризистæ.
Гуырдзыстоны президент Михеил Хъавелашвили фембæлдыл куыд банысан кодта афтæмæй, рæстдинон чырыстон дин нæ бæстæтæн æрмæст конфесси нæу, фæлæ ма нæ культурон идентондзинады, традициты æмæ историон мысынады æнæфæхицæнгæнгæ хай у. Йæ ныхæстæм гæсгæ, тагъд ивгæ дунейы нæ адæмтæ хъахъхъæнынц сæ национ интерестæ æмæ суверенитет уыцы фидар бындурыл лæугæйæ.
Михеил Хъавелашвили фембæлдыл афтæ дæр фæныхас кодта йæ сыгъдæгдзинад Илиа Дыгкагы  царды фæдыл. Президент  бузныг расидтис делегацийы уæнгтæн зæрдиаг тæфæрфæс æмæ æмзæрдæдзинады тыххæй» – ис фыст президенты администрацийы фидиуæны.