Гуырдзыстоны президент Михеил Хъавелашвили Гуырдзыстоны Турчы республикæйы уæлвæткон æмæ æххæстбарджын минæвар Али Каан Орбайимæ фембæлд сарæзта. Уый фæдыл информаци президенты администраци парахат кæны.

Администрацийы информацимæ гæсгæ, фарсытæ Гуырдзыстон æмæ Туркы республикæйы æхсæн стратегион партнерады фæарфдæр кæныны æмæ æнгом дывæрсыг æмкуыстдзинады фарстатыл фæныхас кодтой.

«Хъусдард æрцыд Хуссар Кавказы цæугæ процесстæм æмæ регионы стабилондзинад æмæ сабырад парахат кæныны хъуыддаджы Гуырдзыстон æмæ Турчы ролы тыххæй».

Фембæлдыл афтæ дæр бакастысты, стратегион æмкуыстдзинады фæлгæтты, дыууæфарсон æмæ бирæфарсон боны фæткы актуалон фарстатыл – се æхсæн Гуырдзыстон æмæ Турчы æхсæн базарадон æмæ экономикон æмкуыстдзинады фæарфдæр кæныны перспективæтæ. Сæрмагондæй, бахахх æрцыд дыууæ бæстæйы транзитон æмæ транспортон потенциалæй æххæстæй спайда кæныны æмæ райрæзын кæныны хъæугæдзинад.

«Михеил Хъавелашвили бузныг расидтис туркаг фарсæн Гуырдзыстоны территорион æнæхъæндзинад æмæ суверенитеты фарсылхæцындзинады тыххæй» – ис фыст президенты администрацийы рапарахатгонд информацийы.

Уымæй дарддæр ма, Михеил Хъавелашвили фембæлды фæдыл социалон хызагы дæр фыссы.