Нæ хæс у конструктивон, кæрæдзийæн аргъгæнæг æмæ кæрæдзийæн пайдаджын ахастытæ рæзын кæнын ахæм хъомысджын экономикæтимæ, куыд АИШ, Китай, Евроцæдис æмæ æндæртимæ. Мах гом стæм цыфæнды диалог æмæ æмкуысткæнынадмæ, фæлæ æмрæстæджы домæм кад, рæстадон æмæ аккаг ахаст. Гуырдзиаг адæм цы нæ быхсдзысты уый у ультиматумты, шантажы æмæ тæрсын кæныны æвзаг – уый фæдыл Гуырдзыстоны президент, Михеил Хъавелашвили ИНО-йы Генералон Ассамблейы 80-æм сессийыл ныхасы рæстæджы расидтис.

Михеил Хъавелашвилийы ныхасмæ гæсгæ, растдæр хицауады прагматон æмæ рационалон политикæ бахъахъæдта бæстæйы сабырад æмæ экономикон рæзт.

«Гуырдзыстон æнувыд у ИНО-йы декларацийы фундаменталон принциптæ æмæ аргъдзинæдтыл æмæ у дунеон æмæхсæнады аккаг æмæ бæрнон уæнг, кæцы афтæ дæр бæлвырд кæны Гуырдзыстоны ныры хицауады æрдыгæй адæймаджы барты хъахъхъæды гъæд фæхуыздæр кæныны стыр тыхархайд.Растдæр хицауады прагматикон æмæ рационалон политикæйы руаджы бахъахъхъæдтам сабырдзинад æмæ афтæмæй нысаниуæгджынæй фæхуыздæр кодтам царды экономикон гъæд нæ æмбæстæгтæн фæстаг азты, бирæнымæц æртхъирæнтæм æнæкæсгæйæ, Гуырдзыстон равдыста диссаджы фидардзинад æддагон шокты ныхмæ Гуырдзыстоны размæцыды позитивон динамикæ æвдыст цæуы æмæ бæлвырдгонд цæуы дунейы сеппæтæй авторитетон организациты æппæтдунеон рейтингтæй æмæ параметртæй», -расидтис Гуырдзыстоны президент ИНО-йы Генералон Ассамблейы 80-æм сессийы раныхасы.