Гуырдзыстоны президент, Михаил Кавелашвили, Хорватийы республикæйы президент Зоран Милановичимæ лæгæй-лæгмæ фембæлд сарæзта. Михаил Хъавелашвили хорватаг коллегæйæн президенты галуаны фысым кодта.

Президенты администрацийы пресс-службæ куыд хъусын кæны, афтæмæй лæгæй-лæгмæ фембæлды рæстæджы коллегæтæ æруынаффæ кодтой дывæрсыг ахастыты актуалон фарстатыл, æмгуыстад дарддæр фæарфдæр кæныны перспективæтыл, стæй цæугæ дунеон процесстыл.

Фембæлды бахахх кодтой уæвæг хæларадон бастдзинæдтæ, культурон хæстæгдзинад æмæ иумæйаг аргъдзинæдтæ, кæцытæ сты фидар бындур ахастыты дарддæры рæзтæн.

Михаил Хъавелашвили фембæлдыл куыд банысан кодта афтæмæй, Гуырдзыстонæн ахадгæ у Хорватийы фарсылхæцындзинад Гуырдзыстоны суверенитет æмæ территорион æнæхъæндзинадæн. Уый ма бахахх кодта, зæгъгæ, Гуырдзыстон фидарæй æххуыс кæны Хорватийы территориалон æнæхъæндзинадæн.

Фембæлдыл ма коллегæтæ æруынаффæ кодтой дыууæ бæстæйы æхсæн экономикон ахастытыл æмæ секторон æмгуыстадыл.

Зоран Милановичы визит Гуырдзыстонмæ у фыццаг президентон æмвæзадыл, кæцы, фембæлдыл куыд банысан кодтой афтæмæй, æфтауц импульс ратдзæн дывæрсыг диалог æмæ бастдзинæдты фæарфдæр кæнынæн иумæйаг интересты алы фадыджы.