Гуырдзыстоны ахуырады, зонады æмæ фæсивæды министр Гиви Микъанадзе Израилы паддзахадмæ кусæгон визиты фæлгæтты, Гуырдзыстонимæ Кнессеты хæларады къорды къухдариуæггæнæг Давид Битанимæ фембæлд сарæзта.

Рухсады министрады информацийæ, дыууæфарсон фембæлды форматы фарсытæ Гуырдзыстон æмæ Израилы æхсæн уæвæг хæларадон ахастытыл æмæ рухсады сферайы æмкуыстдзинад фæарфдæр кæныны перспективæтыл фæныхас кодтой.

«Министры ныхасмæ гæсгæ, Израиль у Гуырдзыстоны иуæй-иу зынгæ æмæ æууæнкджын партнер, кæцыйы фæлтæрддзинад дих кæнын ахуырад æмæ зонады сферайы уæлдай нысаниуæгджын у.Фарсытæ фæныхас кодтой академион æмæ зонадон æмкуыстдзинады фæарфдæр кæнын, студенттæн æмæ зонадон кусджытæн ивды программæтæ, афтæ дæр иумæйаг ахуырадон проектты реализацийы перспективæтыл.

Фембæлды ныхас цыд Иерусалимы Дзуттаг Университеты картвелологийы центры сырæзтыл. Ацы хъуыддаджы Битан Давид ныфс бавæрдта гуырдзиаг фарсæн æххæст фарсылхæцындзинадæй.

Фембæлды хайадисджытæ бахахх кодтой сабырад, стабилондзинад æмæ кæрæдзийæн кад кæныныл бындурæвæрд æхсæнадæмон æмгуыстады роль бæстæты размæцыды сæйраг уæлæмхасæныл.

Фарсытæ сбæлвырд кодтой цæттæдзинад адарддæр кæнын активон æмкуыстдзинад æмæ бæстæты æхсæн уæвæг партнердзинад ноджы фæтыхджындæр кæнын.

Фембæлдыл Израилы Паддзахады Гуырдзыстоны хъуыддæгты хицау Софио Отиашвили, Гуырдзыстоны делегацийы уæнгтæ æмæ Кнессеты минæвæрттæ истой хайад» – ис фыст информацийы.