МХМ-йы кусджытæ æрцахстой Паата Бурчуладзе, Муртаз Зоделава, Ираклий Надирадзе, Паата Манджгаладзе æмæ Лаша Беридзе – уый фæдыл мидхъуыддæгты министры хæдивæг Александр Дарахвелидзе расидтис.

Йæ ныхасмæ гæсгæ, ахстгондтæн æнхъæлмæ кæсы 9 азы онг ахæстоны фæбадын.

«Сæ аххосджын кæнынц Гуырдзыстоны конституцион уагæвæрды тызмæгæй ивды кæнæ та паддзахады ныппырх кæныны тыххæй.Афтæ дæр сæ аххосджын кæнынц къордон тыхмидзинады организаци кæныны, къухдариуæг кæныны æмæ хайад райсыны.Фыдракæндтæн ис æфхæрд 9 азы онг ахæстоны фæбадын.Барадхъахъхъæнæг органты кусджыты райсгæ бæлвырдгæнæнтыл бындурæвæрдæй, афтæ дæр æндæр æмæ æндæр фæрæзты фæрцы парахатгонд æрмæджыты ахуырæй, кæцытæ уый рæстæджы сбæлвырд сты цæугæ митинг Сæрибары фæзуаты, организатортæ сарæзтой тыхмийы характеры сидтытæ, æмæ ахæм сидтытæ æрцыдысты ацы азы 4 октябры онг.

Мидхъуыддæгты министрад демонстрацийы хайадисджытæм къорд сидт сарæзта, цæмæй æмбырд сабырадонæй уа æмæ закъонæй снысангонд арæнтæй ахизой. Фæлæ демонстрацийы рæстæджы арæзт карз сидтыты фæстæ, цалдæр хайадисæг æмæ демонстрацийы организатор Атонелийыл президенты галуаны барьертæ ныппырх кодтой æмæ президенты галуаны бацахсынмæ хъавыдысты. Фæдагуырд цæуы уголовон кодексы 317, 322, 222, 225 æмæ 187 статьятæм гæсгæ», -расидтис Дарахвелидзе.