Ацы рæстæгмæ Меликишвилийы проспект нырма дæр æхгæд у.

Бынатыл сты оппозицион партиты лидертæй иу хай. Сæрмагондæй, «Коалици ивæндзинæдты  тыххæй» лидертæй иу у Елене Хоштариа æмæ «Иудзинад-националон змæлды» Тбилисы организацийы сæрдар Сопо Джапаридзе.

Оппозицийы лидертæ æхсæнадмæ сидынц, Меликишвилийы проспектмæ æрбацæуой.

Уымæй дарддæр ма, митингы хайадисджытæ куыд зæгъынц афтæмæй, абон Меликишвилийы проспектыл баззайдзысты æмæ адарддæр кæндзысты протест.

Бынатыл сты барадхъахъæнджытæ дæр.

Акци Меликишвилийы проспектыл райсомæй цæуы. Уый размæ митингы архайджытæ уыдысты ТПУ-йы алфамбылай. Райсомæй мидхъуыдтæгты министрад митингы хайадисджытæм æмæ организатортæм æрсидтис, цæмæй территори суæгъд кæной искусственон арæзтæдтæй, мауал кæной фæндагон змæлдыл демонстрацитæ æмæ закъонæй снысангонд арæнты мидæг протест кæной. Митингы организатортæн æмæ хайадисджытæн Мидхъуыддæгты министрады минæвæрттæ радтой 15 минуты фæндаг ссыгъдæг кæнынæн, уый фæстæ барадхъахъхъæнджытæ ахызтысты ТГУ-йы фарсмæ цы фæзуат ис, уырдæм. Митингы хайадисджытæ цы территори бацахстой, уый барадхъахъæнджыты руаджы искусственон арæзтæдтæй ссæрибар кодтой. Митингы хайадисджыты иу хай Меликишвилийы проспекты æрдæм, иннæ хай та Чъавчъавадзейы проспекты æрдæм ист æрцыд. Уымæй дарддæр ма барадхъахъæнджытæ митингы цалдæр хайадисæджы территорийæ ракодтой.