Китайы Адæмон Республикæмæ Гуырдзыстоны хицауады делегацийы визиты рæстæджы, рауæрæхгонд фембæлды кæрон Гуырдзыстоны премьер-министр Ираклий Къобахидзе æмæ Китайы Адæмон Республикæйы премьер-министр Ли Цяны æхсæн цалдæр æмбарады меморандум бафыстой, кæцытæ ахъаз уыдзысты бæстæты æхсæн базарадон æмæ экономикон ахастыты дарддæры фæарфдæр кæнынæн.

Дыууæ бæстæйы æхсæн къухфыст меморандумтæм та цы хауы: Гуырдзыстоны экономикæ æмæ æнæфæцудгæ рæзынады министр Мариам Квривишвили æмæ Китайы Адæмон Республикæйы базарады министр Ван Вэньтао Китай æмæ Гуырдзыстоны æхсæн сæрибар базарады бадзырд сног кæныны фæдыл бадзырдты фæуды фæдыл æмбарады меморандум бафыстой. Мариам Квривишвилийы ныхасмæ гæсгæ, документы ис цалдæр нысаниуæгджын пункт.

«Ноггонд документы сæрмагонд акцент ис хъæууон хæдзарадон продукцийы экспортыл Гуырдзыстонæй Китаймæ.Ацы документы афтæ дæр сног ис инвестицион здæхты пункт, кæцы нысаниуæгджын импульс ратдзæн Китайæ Гуырдзыстонмæ инвестициты æрбангом кæнынæн» – банысан кодта экономикæйы æмæ æнæфæцудгæ рæзынады министр.

Гуырдзыстоны экономикæ æмæ æнæфæцудгæ рæзынады министрад æмæ Китайы æмбæстагон авиацийы администрацийы æхсæн «Уæлдæфон æфсæнвæндаджы» иумæйаг райрæзты фæдыл æмбарады меморандум бафыст æрцыд. Документ Гуырдзыстоны экономикæйы æмæ æнæфæцудгæ рæзынады министр Мариам Квривишвили æмæ Китайы æмбæстагон авиацийы администрацийы (CAAC) директоры хæдивæг Хан Зун бафыстой.

Уый фæдыл информаци экономикæйы министрады пресс-куыстуат парахат кæны.