Ацы аз январ-марты æппæтдунеон туристон визитты историон бæрзонд сфиксир ис – уый фæдыл экономикæ æмæ æнæфæцудгæ рæзынады министры хæдивæг Мариам Квривишвили расидтис.
“Гуырдзыстоны зымæгон туристон сезон æнтыстджынæй фæцис. Фыццаг кварталы бæрæггæнæнтæм гæсгæ, Гуырдзыстонмæ бабæрæг кодтой 1 300 000 æхсæнадæмон бæлццонæй фылдæр. Уыдонæй иу милуанмæ æввахс уыдысты туристон визиттæ, кæцы ивгъуыд азы аналогион периодимæ абаргæйæ у 2,2 проценты фылдæр”, — банысан кодта Квривишвили.
Министры хæдивæг куыд расидтис афтæмæй, уæлдай нысаниуæгджын у уый, цæмæй туристон æрбацыды рæзтимæ иумæ, пропорционалонæй фæфылдæр сты туризмы æфтиæгтæ, кæцытæ дæр историон максимуммæ баххæсыдысты – Гуырдзыстон фыццаг кварталы туризмы секторæй 826 милуан АИШ доллары æфтиаг райста.
Ацы азы фыццаг кварталы туристты нымæц фæфылдæр Евроцæдисы бæстæтæй, уæлдайдæр та Нидерландтæй, Словакийæ, Чехийæ, Италийæ, Грецийæ, афтæ ма Израиль, Инди, Китай æмæ Персы бакæлæны бæстæтæй.
Уымæй дарддæр ма, министры хæдивæгы расидæнмæ гæсгæ, Гуырдзыстоны хицауад ивгъуыд периоды бæстæмæ ног  авиакомпаниты бауадзыныл активонæй куыста. Уый фæстиуæгæн, абон Гуырдзыстоны 60 авиакомпани бæстæйы æртæ æппæтдунеон аэропортмæ 100 онг комкоммæ маршрут кусынц.