Парламентон фылдæры хайы лидер Мамука Мдинарадзе хъусын кæны, цæмæй Бидзина Иванишвили æмæ Ираклий Гарибашвили сæ парламентон мандаттæ ныууадзынмæ хъавынц.

«Æз куыд зонын æмæ мæнмæ гæсгæ æмбæхсæн ницы ис, ацы адæймæгтæ – Бидзина Иванишвили, Ираклий Къобахидзе, Ираклий Гъарибашвили парламенты баззайынмæ нæ хъавынц. Уыдон сты нæ партийы минæвæрттæ æмæ разамонджытæ. Уыдон уыдысты парламентон номхыгъды, куыд æрвылхатт, афтæ. Уыдон ныууадзынц парламентон мандаттæ», – расидтис Мдинарадзе.

Мдинарадзейы ныхасмæ гæсгæ, уыдон тагъд рæстæджы парламентмæ сæ мандаттæ ныууадзыны фæдыл курдиат бадæтдзысты.

Ираклий Къобахидзе парламентон номхыгъды уыд, фæлæ йæ официалонæй снысан кодтой премьер-министрæй. Ираклий Къобахидзе абон хицауады ног сконды схуыдта.