Гуырдзыстоны паддзахадон æдасдзинады куысты къухдариуæггæнæг Мамука Мдинарадзе Азербайджаны республикæйы паддзахадон æдасдзинады куысты къухдариуæггæнæг Али Нагиевæн суазæг кодта, кæцы Тбилисы официалон визитæй уыд.

Уагдоны информацимæ гæсгæ, фембæлды рæстæджы фарсытæ æркастысты Гуырдзыстон æмæ Азербайджаны æхсæн уæвæг стратегион партнерады сæйраг здæхтытæм æмæ фидæны инициативæтæм, кæцытæ здæхт сты ноджы фæарфдæр кæнын æдасдзинады сферайы æнгом бастдзинæдтæм.

«Акцент æрцыд уагдæтты æхсæн æмкуыстдзинад фæкарздæр кæныныл информацийы баивды æмæ фæлтæрддзинады дих кæныны æрдгæй.Банысангонд æрцыд, цæмæй дыууæ бæстæйы æдасдзинады куыстуæтты æхсæн æмкуысткæнынад ахъаз кæны Гуырдзыстон æмæ Азербайджаны æхсæн ахастытæ фæтыхджындæр кæнынæн æмæ нысаниуæгджын хайбавæрд хæссы регионы сабырад æмæ стабилондзинад фæтыхджындæр кæнынæн.Уымæй уæлдай ма, ныхас баххæссыд цæугæ процесстæм æмæ регионты уæвæг æртхъирæнтæм.

Мамука Мдинарадзе Али Нагиевæн бузныг расидтис Гуырдзыстонмæ визиты тыххæй æмæ бахахх кодта визиты нысаниуæгдзинад.

Паддзахадон æдасдзинады куысты арæзт фембæлдыл Гуырдзыстоны паддзахадон æдасдзинады куысты къухдариуæггæнджыты хæдивджытæ, Азербайджаны паддзахадон æдасдзинады куысты къухдариуæггæнджыты хæдивджытæ æмæ æндæр æмæ æндæр структурон иуæгты къухдариуæггæнджытæ истой хайад.

Фембæлды фæстæ, Мамука Мдинарадзе æмæ Али Нагиев веноктæ сæвæрдтой Гуырдзыстоны территорион æнæхъæндзинады сæраппонд тохы фæмардуæвæг хъайтарты мемориалы æмæ Гейдар Алиевы цырты цур», -ис фыст уагдоны информацийы.