Мах аргъ кæнæм Евроцæдисимæ нæ ахастытæн, фæлæ Гуырдзыстоны æрдæм фæстаг рæстæджы æрбаввахсдзинæдтæ æнæрайсгæ сты – уый фæдыл Гуырдзыстоны фæсарæн хъуыддæгты министр Мака Бочъоришвили расидтис.

Йæ ныхасмæ гæсгæ, Евроцæдисы рæдыд политикон здæхт зиан хæссы Европæйæн йæхицæн æмæ йæ интерестæн.

«Мах бирæ хатт дзырдтам Евроцæдисы структурæты цæугæ процессты фæдыл, уыцы позициты фæдыл, кæцытæ тынг арæх ныхмæвæрд вæййынц йæхæдæг Европæйы интерестæн.Цæй зæгъын æй хъæуы, Гуырдзыстонæн ис интерес Евроцæдисимæ ахастытæм.Мах аргъ кæнæм уыцы ахастытæн, кæцытæ арæзт æрцыдысты ацы азты дæргъы.Фæлæ уыцы ахастытæ, кæцытæ Евроцæдисы бюрократи фæстаг рæстæджы равдыста Гуырдзыстоны æрдæм, æнæрайсгæ сты рæдыд политикæйы фæстиуæг. кæцыйы абон уынæм дывæр стандарттæ, рæдыд политикон къахдзæфтæ, фыццаджы дæр, хъыгдарынц Европæйы репутаци Кæд æмæ абон хъæрæй дзурынц уый тыххæй, уый æрмæст Гуырдзыстон æмæ йæ хицауад нæ фæлæ ма иннæтæ дæр бæлвырдæй уынынц, цæмæй Евроцæдисы политикæйы æххæстгонд рæдыд политикон здæхтытæ зиан хæссынц Европæйæн æмæ йæ интерестæн.