Бердзены Республикæйы цæугæ Дельфосы экономикон форумы фæлгæтты, Гуырдзыстоны премьер-министры хæдивæг æмæ фæсарæн хъуыддæгты министр Мака Бочъоришвили кусæн рабадтыл хайад иста, кæцыйы сæргонд у «Хъахъхъæд уæрæхдæр кæныны фæрцы: æдасдзинад куыд уæнгдзинады ног цæджындз».

Фæсарæн хъуыддæгты министр бахахх кодта, цæмæй Сау Денджызы регион æмæ Хуссар Кавказ критикон нысаниуæгджын сты европæйаг æдасдзинадæн, уыцы рæстæджы дæр, нырыккон æдасдзинад æрмæст æфсæддон компонентæй нал арæн кæны æмæ домы уæрæхдæр, бирæвæрсыг ахаст.

«Абон æдасдзинад нал амоны æрмæст æфсæддон хъомыс æмæ гæнæнтæм, æдасдзинады æмбарынад æнæмæнгæй хауы экономикон æнæфæцудгæдзинад, бастдзинад æмæ æнæфæцудгæ рæзт. Картæмæ куы æркæсæм, уæд фендзыстæм лæмæгъ, фæлæ критикон нысаниуæгджын хахх Европæйæн, кæцы цæуы Сау Денджызы регион æмæ Хуссар Кавказы уылты. Уый у тынг нысаниуæгджын регион Европæйæн, уый у æдасдзинад, уымæн æмæ йæ мах нымайæм нæхи Европæйы æдасдзинады хайыл архитектурæйы уый у нысаниуæгджын фактор, кæцы хъуамæ ист æрцæуа, европон æдасдзинад саразыны фæдыл ныхас куы кæнæм, уæд», -расидтис фæсарæн хъуыддæгты министр.

Мака Бочъоришвили йæ раныхасы нысаниуæгджын хай снывонд кодта Гуырдзыстоны европон интеграцийы процессæн.

«Гуырдзыстоны фæндаг европон интеграцимæ у фидар, уый у нæ идентондзинады хай æмæ историон æвзæрст.Уый у аргъдзинæдтыл бындурæвæрд æвзæрст» – расидтис Бочъоришвили.

Кæронбæттæны Мака Бочъоришвили банысан кодта, цæмæй Гуырдзыстон даргъ кæны æмбæлон къахдзæфтæ Евроцæдисы уæнгдзинадæн фидар бындур сифтонг кæнынæн.

«Мах дарддæр кæнæм куыст уыцы рæзынадыл æмæ реформæтыл, кæцытæ нысаниуæгджын сты бæстæйæн, цæмæй фæстагмæ саразæм фидар бындур Евроцæдисы уæнгдзинадæн, кæцы у Гуырдзыстоны æмæ Гуырдзыстоны адæмы æвзæрст» – расидтис æттаг хъуыдтæгты министр.