Дæргъвæтин рæстæджы дæргъы, Европарламент æмæ йæ резолюцитæ, уæлдайдæр та Гуырдзыстонимæ баст фарстытæм куы хауынц, реалондзинадæй æнæбаст сты – уый фæдыл Гуырдзыстоны фыццаг къаналæн Гуырдзыстоны фæсарæн хъуыдтæгты министр Мака Бочъоришвили расидтис.

Йæ ныхæстæм гæсгæ, Европарламенты документтыл серьезонæй дзурын нæй гæнæн.

«Мах федтам афтæ бирæ абсурдон фиппаинæгтæ, хатдзæгтæ æмæ домæнтæ Европарламенты æрдыгæй, цæмæй афтæ куы адарддæр кодтаиккам, уæд гæнæн ис æмæ абон Гуырдзыстон нал уыдаит. Уымæ гæсгæ нæ бон нæу байхъусын уыцы хъуыдытæм, кæцытæ дзурынц уыцы адæймæгтæ, кæцытæ нæ бæстæйы раз ницы бæрн дарынц» – банысан кодта Бочъоришвили.

Европарламент Гуырдзыстоны фæдыл резолюци райста, кæцыйы сæргонд у «Еленæ Хоштариайы æмæ «Гуырдзиаг Бæллиццы» режимы политикон ахæстты хъуыдтагы фæдыл». Документы ис фыст, цæмæй Европарламент «карзæй тæрхон кæны Еленæ Хоштариайы æмæ æппæт æндæр адæймæгты политикон аххосагæй ахст, кæцытæ нысангонд æрцыдысты сæ ныхасы æмæ æмбырды сæрибардзинадæй пайда кæныны тыххæй кæнæ сабырадон протест кæныны тыххæй». Уымæй  уæлдай ма,  Европарламенты  минæвæрттæ тыхстдзинад  сидынц  раздæры  президент  Михаил Саакашвилийы  адарддæргонд  ахст  æмæ  æнæниздзинады фæфыддæры тыххæй,  афтæ дæр  Гиоргий Канделаки æмæ Тинатин Хидашелийы фæдыл фæдагуырды инициацийы тыххæй.