Европолитикон æмæхсæнады (EPC) саммиты рæстæджы, Гуырдзыстоны премьер-министрæн уыдзæн фадат, европæйаг лидертимæ тымбыл стъолы дискуссийы хайад райса экономикæ æмæ Европæйы ахаст экономикæмæ – уый фæдыл гуырдзиаг журналисттæн Гуырдзыстоны хицауады администрацийы къухдариуæггæнæг Леван Жоржолиани расидтис.

Гуырдызстоны делегаци премьер-министры сæргълæудæй, Данийы, Копенгагены ис, цы ран EPC-йы æвдæм саммит цæуы.

«Экономикæ у нæ сæйраг приоритеттæй сæ иу, æмæ уымæ гæсгæйæ, экономикон рæзты æрдгæй Европæйы лидертæй иу стæм. Цалдæр азы дæргъы бахъахъхъæдтам ацы тенденци, кæцы тынг нысаниуæгджын у. Ацы темæтыл æруынаффæ кæндзыстæм. Премьер-министр дæр баиу вæййы Францы инициативæмæ, цæмæй арæзт æрцæуа наркотикты ныхмæ коалици. Гуырдзыстоны хицауад тынг активон у ацы фадыджы, сæрмагондæй та Мидхъуыддæгты министрад, кæцы фæстаг мæйты æрæмбырд кодта æнæпрецедентон бæрц наркотиктæ, æрцахстой сæйраг наркотикты уæйгæнджыты, æмæ сæ æркодтой тæрхонмæ», -расидтис Леван Жоржолиани.