Леван Хабеишвилийы Националон Змæлды æмбырдыл партийы сæрдарæй сфидар кодтой
«Националон Змæлды» абоны æмбырдыл Леван Хабеишвилийы партийы сæрдарæй официалонæй сфидар кодтой.
Леван Хабеишвили æмбырды хайадисджытæм дзырдæй баздæхт æмæ фидæнмæ саразинаг къахдзæфты фæдыл радзырдта.
Йæ дзырдæй, зæгъгæ æввахс периоды райдайдзысты районты «Наицоналон Змæлды» офисты гом кæнын.
«Нырид сарызтам Саакашвилийы ссæрибаргæнæн штаб, кæцыйæ Гиорги Чаладзе къухдариуæг кæндзæн. Æввахс периоды Тбилисы «Иугонд Националон Змæлдæн уыдзæн ног офис. Ауадздзыстæм Тбилисы конференци, сывзардзыстæм партийы къухдариуæггæнджыты, райдайдзыстæм фæсивæдон организацийы формиркæнын, ауадздзыстæм фæсивæдон æмбырд æмæ афтæдæр сын уыдзæн хицæн тыгъдад æвзонгтæн. Райдайдзыстæм регионон æмæ районон конференциты цæттæ кæнын. Иу уысм хуымæтæджы фесафыны бар нын нæй», – банысан кодта Леван Хабеишвили.
Леван Хабеишвилийы фидиуæнæй, «Националон Змæлд» уыдзæн алкуыран, цы рæтты дæр алкæмæн ис проблемæтæ, кæцы рæтты дæр адæмы æфхæрынц, алкуыран кæмдæр æмбæстæгтæн бахъæудзæн фарсхæцын æмæ æххуыс».
«Фæнды мæ раттон уын дзырд, цæмæй цалынмæ президент Саакашвили нессæрибар уыдзæн, цалынмæ фæстаг политахæст нæ рацæудзæн ахæстонæй æмæ цалынмæ нæ бæстæйы националон фидæн нæ уыдзæн бæлвырд, уæдмæ нæ баффæлайдзынæн, нæ баулæфдзынæн æмæ нæ ныллæудзынæн», – райхъусын кодта Леван Хабеишвили.