“Ахæстоны уæвын мын зиан нæ хæссы, гæнæн ис æмæ æрмæст мæ нервтыл æмæ æнæниздзинадыл бандава. Фæстагмæ, уыдонæй иу дæр мын зиан нæ хæссы, хъыгагæн, зиан хæссы нæ бæстæйæн”, – загъта тæрхондоны рабадтыл “Иугонд националон змæлды” партийы политикон советы сæрдар Хабеишвили Леван.

Хабеишвилийы ныхасмæ гæсгæ, тынг тагъд алцыппæт фæивдзæн, фæлæ тыхархайд бахъæудзæн.

“Чидæр зæгъы: критикæ кæнут оппозицийы. Æз нæ критикæ кæнын — æз æй æргомæй зæгъдзынæн. Æз сидын алкæмæ дæр, кæцы йæхи нымайы оппозиционертыл: абон сæрибар чи у, уыдон кæрæдзийыл тыхсынц æмæ хынджылæггаг ныхæстæ ма кæнынц, зæгъæм, “æз афтæ загътон, æз афтæ загътон”. Фаг у, чи цы загъта, уый нал у ахсджиаг. Уый сывæллон дæр зоны. Уыдонæн сæ бон нæ уыд мæ ныхмæ ахæм аххосæгтæ дæр бахæссын, кæцытæ æууæнкджын фæкастысты, суанг «Гуырдзиаг Бæллиццы» фарсхæцæгæн дæр. Суанг ма бузныг дæн, æцæгæйдæр мын зиан чи æрхæсса, ахæм хъуыддаг кæй нæ æрхъуыды кодтой, уымæй. Ахæстон мын ницы зиан хæссы; чи зоны, æндавы мæ нервтыл æмæ æнæниздзинадыл. Фæлæ фæстагмæ, уый мæнæн нæ, фæлæ нæ бæстæйæн зиан хæссы», -расидтис Хабеишвили Леван.

Зæрдыл уын æрлæууын кæндзыстæм, Гуырдзыстоны паддзахадон æдасдзинады куыст Леван Хабеишвилийы 11-æм сентябры æрцахста, бæрнон кусджытæн взяткæйы хуызы æхца æрвитын æргомæй ныфс бавæрыны аххосагæй.