Тбилисы 7,8 æмæ 9 марты уагъд акциты рæстæджы пълицæйæгтæм бырсты æмæ дзаума базиан кæныны фактыл зылынмæ лæвæрд Лазаре Григориадисæн тæрхондон фараст азæй ахст стæрхон кодта.
Уынаффæ Тбилисы горæты тæрхондоны тæрхонгæнæг Звиад Шарадзе цалдæр минуты размæ райхъусын кодта.
Процессы фæстæ комментари сарызта Григориадисы адвокат Лика Битадзе æмæ райхъусын кодта,ц æмæй Лазаре Григориадисы хъуыддаг Страсбургы тæрхондонмæ уыдзæн æрвыст.
«Тæрхондон рахаста бынтон æнæрæстаг, æнæбындур æмæ хуыдинаггаг уынаффæ. Иргъæвæ фарс ныр фæцæуæм президенты администрацимæ. Ныридæгæн нын цæттæ ис куырдиат Лазарейæн ныххатыр кæныны æркурдæй. Кæд æмæ Саломэ Зурабишвили йын нæ ныххатыр кæндзæн Лазарейæн, аппеляцион тæрхондонмæ бахъаст кæндзыстæм. Уый уыдзæн архайадон план фæлæ бæрæг куыд у афтæмæй, аппеляцион тæрхондон дæр не æнхъæлцмæ гæсгæйæ, кæд президен нæ ныххатыр кæндзæн Лазарейæн, йæ тыхы ныууадздзæн ацы æнæбындур æмæ æнæзакъонон уынаффæ. Тæрхонгæнæгмæ ницы комкоммæ блвырдгæнæн нæ уыдис», – райхъусын кодта Лика Битадзе.
Лазаре Григоридисы, Тбилисы Руставелийы проспектыл 2023 азы марты акциты рæстæджы пъæлицæйагы æнæниздзинад агайыны æмæ паддзахадон сæрмæмулкы скуынæг кæныны факттыл аххосджын кодтой. Уымæн рагафон æфхæрды мадзалæй стæрхон кодтой ахст ивгъуыд азы 31 марты.
Фæдагуырды информацийæ, Лазаре Григориадис протестон акцийыл пъалицæйы кусджытыл дуртæ æмæ а.х. «молотовы коктейльтæ» æхста, кæцыйы фæстиуæгæн барадхъахъхъæнджытæ райстой зиæнттæ.
Фæдагуырд хъусинагæй, зылынмæ лæвæрд арт бафтыдта мидхъуддæгты министрады сæрмагонд хæдтулгæйыл.