Гуырдзыстоны финансты министр, Лаша Хуцишвили парламенты  2026 азы бюджеты проекты кæронбæттæн вариант бавдыста. Сæйраг параметртыл дзургæйæ, министр банысан кодта, цæмæй 2026-æм азы райдайæн прогнозтæ хъахъхъæд æрцыдысты.
Йæ ныхасмæ гæсгæ, реалон экономикон рæзт плангонд у фондз процентæй, астæуккаг периоды та йæ прогноз 5.3 процент у. Рæстæмбис инфляцийы прогноз 2026 азæн у 3,3 проценты, астæуккаг æмгъуыдмæ та нысангонд бæрæггæнæны фæлгæтты ис (æртæ проценты).
Номиналон мидæггагон продукты прогноз у 114 миллиард 121 милуан ларийы, æмæ иу адæймагæн йæ æмтгæйон мидпродукт у 11 300 долларæй фылдæр. 2029 азмæ номиналон æмтгæйон мидпродукт хъуамæ схæццæ уа 145 миллиард ларийы онг, кæцы, иу адæймагæн куы раивæм, уæд ахиздзæн 14 500 АИШ долларæй.
Финансты министр куыд банысан кодта афтæмæй, консолидацион бюджеты хъалонон æфтиæгтæ 27 миллиард 40 милуан ларийы бæрц сты бæрæггонд, кæцы проекты раздæры версимæ абаргæйæ, 240 милуан ларийы рæзт у. Бюджеты дефицит у æмтгæйон мидпродукты 2,5 проценты, хицауады хæсы бæрæггæнæн та 33,5 проценты æхсæн. Иумæйаг бюджеты хæрдзты хай 2026 азы æдæппæтæй у 36 миллиард 285 ларийы.