Гуырдзыстоны фæсарæн хъуыддæгты министры хæдивæг, Дарсалия Лаша расидтис, цæмæй «Мæскуыйы механизмы» фæлгæтты тагъд рæстæджы Гуырдзыстонмæ æрцæудзæн эксперт.

Йæ ныхасмæ гæсгæ, гуырдзиаг фарс экспертæн æппæт æнæмæнгхъæугæ информаци ратдзæн.

«Куыд зонут, афтæ хуынæг Мæскуыйы механизм скуыста ОSСЕ-йы цалдæр бæстæйы куырдиатмæ гæсгæ, ОDIHR-ы развæлгъау сфидаргонд номхыгъдæй æвзæрст æрцыд иу эксперт, кæцы æввахс рæстæджы уыдзæн Гуырдзыстонмæ.Йæ визиты фæлгæтты гуырдзиаг фарс ратдзæн æппæт æнæмæнгхъæуæг информаци.Æнхъæлмæ кæсдзыстæм йæ бацæттæгонд документмæ, кæд æмæ бахъæудзæн, уæд сараздзыстæм уæлæмхас фиппаинæгтæ» — загъта Дарсалия.

Информацимæ гæсгæ, 29-æм январы ОSСЕ-йы 24 уæнг бæстæ Гуырдзыстонмæ гæсгæ «Мæскуыйы механизм» сактивон кодтой æмæ экспертон миссийы саразын æркуырдтой.

Уымæй дарддæр ма, ОSСЕ-йы веб-фарсыл фехъусын кодтой, Гуырдзыстоны Мæскуыйаг механизмы экспертон мисси йæ куыст кæй райдайдзæн 11-æм февралы.