Гуырдзыстоны æттаг хъуыдтæгты министры хæдивæг, Дарсалия Лаша, 2026 азы 6-æм æппæтдунеон дины сæрибардзинады саммиты(International Religious Freedom Summit 2026) иста хайад  æмæ Вашингтонмæ кусæгон визиты рæстæджы Националон сæумæрайсомы  скуывдыл (National Prayer Breakfast) уыд. Мадзæлтты АИШ-ы Гуырдзыстоны уæлвæткон æмæ æххæстбарджын минæвар Тамар Талиашвили дæр иста хайад – уый фæдыл информаци АИШ-ы Гуырдзыстоны минæварады хъусын кæнынц.

«Саммит президент Дональд Трампы инициативæ у æмæ йæ нысан у дунейы дины æмæ уырнынады сæрибардзинады раз лæууæг фарстатыл æруынаффæ кæнын æмæ уыцы сæрибардзинæдты фæтыхджындæр кæныны тыххæй æхсæнадæмон тыхархайдтытæ мобилизаци кæнын.

Министры хæдивæг, саммиты фæлгæтты, сарæзта кусæгон фембæлд АИШ-ы æхсæнадæмон дины сæрибардзинады къамисы (USCIRF) сæрдар Вики Харцлеримæ. Фембæлды рæстæджы, Дарсалия Лаша Вики Харцлерæн Гуырдзыстоны оккупацигонд регионты уæвæг уавæры фæдыл информаци баххæст кодта, уый нымæцы бынæттон цæрджытæн религион сæрибардзинады арæнæвæрдтæ æмæ гуырдзиаг æвзагыл аргъуаны службæтæ. Фембæлд ма уагъд æрцыд Сэм Браунбэкимæ, Дины Сæрибардзинады Саммиты æмсæрдаримæ.

Националон куывды фынг райдыдта 1953 азы æмæ АИШ-ы Конгрессы къухдариуæгадæй æмбырд кæны алыгъуызон динтæ æмæ конфесситы адæмы. Традиционæй, мадзалы хайад райста АИШ-ы президент Дональд Трамп æмæ раныхас кодта хуынд уазджытæн. АИШ-ы президент, йæ администрацийы æндæр приоритетты æхсæн, банысан кодта, куыд ахсджиаг сты уырнынады æмæ дины сæрибардзинады аргъдзинæдтæ æмæ сæ хъахъхъæнынад Урс Хæдзарæн.

Мадзæлтты хайадисджыты ‘хсæн уыдысты, афтæ ма дины разамонджытæ, АИШ-ы федералон хицауады æххæстгæнæн æмæ закъондæттæн къабæзты бæрзонд рангы минæвæрттæ. Уымæй дарддæр ма мадзалмæ æндæр æмæ æндæр бæстæты бæрзонд рангы делегациты минæвæрттæ æмæ Вашингтоны аккредитацигонд дипломативон корпусы минæвæрттæ дæр истой хайад – нысан кæны минæварады информацион.