Кутаисы Шервашидзейы уынгыл ног арæзт бæстыхæйтты цалцæггонд фатертæ 200 бæрц лыгъдон бинонтæн лæвæрд æрцыд. Нырыккон цæрæн комплексы ис 800 фатеры фондз 16-уæладзыгон хæдзары.
Бинонтæн раарфæ кодтой  æнæнизхъахъхъæды æмæ социалон хъахъхъæды министр Михаил Сарджвеладзе æмæ регионалон рæзынады æмæ инфраструктурæйы министр Ираклий Карселадзе.
Бæрæг кодтой ног арæзт фатертæ æмæ бынаты бавзæрстой царды уавæртæ. Михаил Сарджвеладзе куыд банысан кодта афтæмæй, цæмæй лыгъдон бинонты æрцæрын кæнын у иуæй-иу паддзахады приоритет, æмæ уый тыххæй бæстæйы æндæр æмæ æндæр горæтты иу рæстæджы цæрæн комплексты арæзтад цæуы. Шервашидзейы уынгыл цæрæн комплексы арæзтад регионалон рæзынады æмæ инфраструктурæйы министрады муниципалон рæзынады фонд сæххæст кодта.
Гуырдзыстоны хицауады æскъуыддзагмæ гæсгæ, цæуы æнæпрецедентон масштабон æрцæрынгæнæн программæ – проекты фæлгæтты арæзтад цæуы бæстæйы фондз горæты – Тбилисы, Борджомы, Руставы, Кутаисы æмæ Зугдиды. Æдæппæтæй цæрæн бынæттæ райсдзысты 13 мин  бинонтæ.